The Farmhouse 咖啡廳 (裝修中)

之前成日都會過嚟北角薈約朋友食晏晝，鍾意呢個位夠哂chill，上次去完北角維港凱悅尚萃酒店 食飯，睇到The Farmhouse 咖啡廳嘅自助餐幾吸引，專登約埋媽咪趁着佢生日嚟試下🥰今次主題係地中海風味主題自助餐，有好多新鮮嘅海鮮同埋地道菜式，有意大利龍蝦燴薏米、原條白毛豬塞拉諾火腿、希臘炸雞腿、烤意式香腸等等，全部都係好正啊！如果你鍾意食燒味，記住要嚟試下晚餐限定嘅原條黑毛豬伊比利火腿同埋烤豬頸肉，週末同公眾假期晚餐時段仲有烤河蝦，啱晒肉食控同埋鍾意食海鮮嘅你！自助晚餐由六點就開始供應啦，酒店環境面向海景夠哂開陽，門口位仲特登整咗特色西班牙酒配合自助餐主題，每一款嘅西班牙酒都混合左鮮果果汁，配合西班牙式美食特別開胃！即刻睇吓有咩海鮮款式同選擇，日本刺身唔少得，冷盤重有加拿大鱈場蟹腳、小龍蝦同埋龍蝦等等，可以講話係必試！周末去嘅話，好似重有埋焗龍蝦同蠔，平日去嘅話都見到有燒虎蝦同其他燒烤肉類，同樣都好好食！每一款都有廚師即時燒，好juicy同好香，有我最鍾意嘅羊肉、雞肉串，一定要食！即點即製美食都好推介，有港式麵檔、多種唔同嘅咖喱、港式點心，真係一次都食唔哂咁多嘢🤭大家記得留肚食甜品！