KiKi麵店 (國際金融中心商場)

營業中

休息中

疫症越來越嚴重，不少人WFH，但仍然有好多人要承受每天急速的節奏。這間坐落在繁忙中環IFC的餐廳，環境佈置得很有台灣味道。播住柔和的歌曲，不知道會否令你暫時忘卻香港的壓抑，回味起當初去台灣時的慢活呢？我一直期待已久既蟹黃油拌麵今次終於可以一嘗，又真係無令人失望。蟹油，蟹粉，蟹醋分次序咁落。我覺得個醋係唔需要落曬已經夠鮮味。蟹粉份量都幾多又夠香濃，啲蟹殻都清得夠乾淨，以依個價錢都算性價比唔差。另外叫左個花膠鮑魚湯雞灌麵，啲花膠都幾大塊。但鮑魚就無辦法，都係用罐頭鮑魚。不過都唔算太細隻。仲有依個雞湯飲落都幾舒服，唔會好溜。小食大部分就不過不失，而且雞翼都炸得幾乾身，唔油膩，仲食到香茅同薑蓉香味。最後叫左杯紫薯雪絨黑糖薑母鮮奶，衰鬼又幾好飲喎！果個紫薯cream打得輕身又夠濃紫薯味，啲細細粒容易食既小芋圓食下食下都唔少。仲有杯飲品本身已經半糖左，唔需要特意減甜又幾貼心。