Burgeroom (已搬遷) 新店位置

國慶日假期，當然要留俾屋企人同摯友啦﹗朝早同屋企人睇完國家閱兵，祖國進步的速度令人驚嘆。等睇煙花，下午沒事幹，文書野琴晚又做晒，於是當然叫個老友出黎食個TEA休息下。呀，原來自己住果頭條後街開左咁多間隱世小店自己都仲可以唔知。呢間堡房原來係榮式燒雞扒銅鑼灣分店隔離，行過幾次都無細心睇，店內店外佈置都黑壓壓的，仲以為又係一間賣格調賣迷你小食的咖啡廳。等到上黎開飯睇先知自己原來一直走『堡』，為表誠意，就奉獻我的下午茶時間俾佢啦﹗抵壘時爆場，店員有禮貌地安排我地坐BAR台的高椅邊看餐牌邊等，所有問題有問即答唔洗你等，算係唔錯。未幾有台，一屁股坐下，天啊﹗坐得我很舒服的沙發啊，為什麼懶人沙發這個偉大的發明會出現在一家『快餐店』裡啊？當然，在一輪等待後，我不能說這家是快餐店，因為吃的是即製，而不是即有。懶人沙發，是我願意等下去的精神支柱。主要食評可參考圖片。另外，套餐SET加十幾廿蚊就已經有熱飲同薯條，轉凍飲兼加大只需十蚊，都算幾抵。不過好坦白講句，堡扒份量係夠大夠飽喇，不過唔俾心機嚼就真係感覺唔到牛肉味。總結BURGEROOM 的食物做得唔錯，店員也很主動親切，繼續努力吧，有空會再來。