影片
更多
2022-12-10
341 瀏覽
自從疫情以黎，已經好耐冇食自助餐！凱悅尚萃酒店嘅自助餐性價比高，食物款式超多而且好高質，每樣都好吸引，每樣試少少已經好夠飽！餐廳環境闊落，仲有海景睇，好鍾意佢嘅凍海鮮同甜品，平日去食仲要冇時間限制，可以慢慢食到夜晚10點！------------------------------▪️ 海鮮凍海鮮一定係每個自助餐嘅回本位，有龍蝦、麵包蟹、凍蝦、青口、蜆、翡翠螺等，每隻都大大隻又鮮甜，絕對可以回本！而且佢海鮮refill速度好快，唔使驚俾人攞晒要等佢哋擺海鮮出嚟～龍蝦爽口彈牙🦞；麵包蟹大大隻必食🦀，半隻有成個手掌咁大，入面有好多蟹膏超滿足！😳▪️ 刺身壽司刺身方面亦都有唔少選擇，有三文魚、呑拿魚、八爪魚、油甘魚、希靈魚🐟，每份魚生都係厚切勁有口感，尤其中意佢個三文魚，真係好鮮甜回甘！▪️ 冷菜有各類cold cut，有煙三文魚、巴馬火腿、各種芝士🧀、水果等，可以配法包/梳打餅一齊食！沙律方面有預先配搭好嘅，都有即叫即製整嘅，即時望住師傅喺舊芝士裏面幫你撈🥗！▪️ 熱食熱食選擇都幾多，中西美饌、印度咖喱、粉麵，好多都有即叫即煮嘅檔位，今期係拉丁美洲主題，特設咗巴西x阿根廷烤肉區🍖，一串串燒得好香嘅
------------------------------
▪️ 海鮮
凍海鮮一定係每個自助餐嘅回本位，有龍蝦、麵包蟹、凍蝦、青口、蜆、翡翠螺等，每隻都大大隻又鮮甜，絕對可以回本！而且佢海鮮refill速度好快，唔使驚俾人攞晒要等佢哋擺海鮮出嚟～龍蝦爽口彈牙🦞；麵包蟹大大隻必食🦀，半隻有成個手掌咁大，入面有好多蟹膏超滿足！😳
▪️ 刺身壽司
刺身方面亦都有唔少選擇，有三文魚、呑拿魚、八爪魚、油甘魚、希靈魚🐟，每份魚生都係厚切勁有口感，尤其中意佢個三文魚，真係好鮮甜回甘！
▪️ 冷菜
有各類cold cut，有煙三文魚、巴馬火腿、各種芝士🧀、水果等，可以配法包/梳打餅一齊食！沙律方面有預先配搭好嘅，都有即叫即製整嘅，即時望住師傅喺舊芝士裏面幫你撈🥗！
▪️ 熱食
熱食選擇都幾多，中西美饌、印度咖喱、粉麵，好多都有即叫即煮嘅檔位，今期係拉丁美洲主題，特設咗巴西x阿根廷烤肉區🍖，一串串燒得好香嘅燒肉配上特色醬汁，好惹味，仲可以即烘roti夾住烤肉嚟食，原汁原味嘅風味🥙！烤肉檔除咗有烤肉串燒，仲有安格斯牛扒、羊肉、雞肉、虎蝦、帶子、豬肋骨、菠蘿等等！佢嘅牛扒切得好大塊，裏面嘅肉係粉紅色，好Juicy好有咬口；羊肉又唔會太騷，肉嘅質素都有返咁上下水準！
▪️ 甜品
佢啲甜品係另一個吸引回本位，有勁吸引好多味嘅自家製雪糕吧🍨，當日有7隻口味：芒果、椰子、咖啡、士多啤梨、雲呢拿、抹茶同tiramisu！仲有好多唔同嘅精緻糕點，有焗朱古力布甸、無花果抹茶泡芙、慕思蛋糕等，而且甜品食落味道都唔會太甜，有啲仲帶少少酸味，中和左啲甜膩感～
▪️ 飲品
自助吧有提供咖啡、茶、汽水等飲品；想再chill啲嘅仲可以+$130轉freeflow，紅、白酒任飲🥂！
🌟Encore指數：9/10
------------------------------
自助餐主題定期會轉，今次去嘅係拉丁美洲主題，有返啲美洲特色美食，而且甜品間唔中都會crossover，每次去都有新鮮感！宜家去到12月31日，仲有聖誕主題嘅自助餐，加上酒店精緻嘅裝修，好靚好有聖誕氣氛！🎄
張貼
