影片
更多
2020-06-07
166 瀏覽
位於鴻圖道嘅菊月町，就喺apm後兩條街。只要穿過apm再喺港貿中心落到巧明街，沿住駿業街行5分鐘左右就到，地點雖然唔係痴住mtr，但都好方便！門面以木為主題，裝修簡約，好有日本氣息。店內裝修簡約整潔，同時有唔少日式佈置同日系小飾物。疫情期間，座位之間亦有隔辦，令人食得安心❤️店員非常細心，一開始就問下我地有冇咩唔食，又或者有冇食物敏感。冇就放心交由廚師發板，此外店員亦預先同我哋溝通好，佢哋嘅所有食物都已由師傅調味，如果唔夠味可以叫佢地再加味，基本上係唔會需要點豉油嘅。呢晚我哋嘅焰月($980/位)，將由淡味慢慢食到濃味。-先付Starter-時令季節刺身五點Seasonal Sashimi-漬物Pickle-鐵板燒二款Pan Fried Dishes-吸物Soup-手握壽司五貫Sushi 5pcs-手卷Hand Roll-時令果物Seasonal Fruit真係好鐘意食Omakasa，不過價錢唔平，唔可以成日食呀😂所以每次食Omakase都好珍惜，全程投入呢個美食世界。<先付>前菜已經令人好有驚喜，擺盤精美，食材新鮮。紫薯香甜，豆腐嘅豆味超香濃，仲有木魚同昆布，味道口感多
門面以木為主題，裝修簡約，好有日本氣息。
店內裝修簡約整潔，同時有唔少日式佈置同日系小飾物。
疫情期間，座位之間亦有隔辦，令人食得安心❤️
店員非常細心，一開始就問下我地有冇咩唔食，又或者有冇食物敏感。冇就放心交由廚師發板，此外店員亦預先同我哋溝通好，佢哋嘅所有食物都已由師傅調味，如果唔夠味可以叫佢地再加味，基本上係唔會需要點豉油嘅。
呢晚我哋嘅焰月($980/位)，將由淡味慢慢食到濃味。
-先付Starter
-時令季節刺身五點Seasonal Sashimi
-漬物Pickle
-鐵板燒二款Pan Fried Dishes
-吸物Soup
-手握壽司五貫Sushi 5pcs
-手卷Hand Roll
-時令果物Seasonal Fruit
真係好鐘意食Omakasa，不過價錢唔平，唔可以成日食呀😂所以每次食Omakase都好珍惜，全程投入呢個美食世界。
<先付>
前菜已經令人好有驚喜，擺盤精美，食材新鮮。紫薯香甜，豆腐嘅豆味超香濃，仲有木魚同昆布，味道口感多重層次，就連片菜都特別清甜爽脆。
Omakase嘅大廚等於魔術師，變出款款精美可以食嘅藝術品，每款都好有驚喜！
<時令季節刺身五點>
•青瓜醋間八：口感清爽，味道清甜，間八同青瓜醋配搭一流👍🏻
•池魚：有兩款切法，分別係厚切&他他。
厚切係原味，好食到池魚本身嘅油香同肥美。
他他配搭新鮮薑蓉，味道唔會搶辣，仲好有提鮮嘅功效！
•目鯛：用上昆布鹽水作調味，帶少少鹹香同甘味，刺身上面嘅香草味道好特別，好鐘意！
•八爪魚盅：魚籽鹹鮮脆卜卜，八爪魚用咗麻油調味，麻油香濃，但又唔會搶咗八爪魚嘅鮮味，八爪魚一啲都唔韌，好爽脆🤤
•海膽：令人印象深刻嘅海膽！好Creamy，味道鮮甜，味道濃郁，帶甘香。完全唔需要任何調味，直接放手背上食，先可以食到佢嘅原味道，唔會比任何食具同外來嘅溫度影響。
<漬物>
粟米：非常清甜，爽口。
<鐵板燒二款>
•甘鯛立鱗燒：鱗片脆過薯片！食落魚身已有鹹香，啖啖肉，肉質滑溜！
•煙燻昆布鮑魚
廚師發板除咗可以享用美食之外，仲可以同師傅交流，得到好多專業資訊，真係一邊食一邊增加知識👍🏻仲可以欣賞佢哋嘅廚藝🥰
鮑魚好有彈性，有陣陣嘅昆布香。
•魚湯：魚湯味道非常濃厚。鐵板燒過後，飲碗熱辣辣嘅魚湯，比味蕾休息一下，準備開始食壽司！
<手握壽司五貫>•拖羅壽司：油脂甘香，好肥美。
•木魚果凍鱸魚壽司：好有心思，口感特別。果凍Q彈，鱸魚爽口，壽司飯煙韌🤤
•粒子魚：鮮味十足。
•赤身：肉質細嫩，味道甘甜，而且較為濃郁。
•火炙金目鯛：火炙過後，魚油更為特出，油香豐富，入口即溶。
<手卷>
•拖羅蓉：師傅首先將拖羅嘅魚油用火熗逼出，魚油香到全間餐廳都聞到。拖羅蓉好香滑，手卷入面仲有葱花，令口感脆脆，更有鮮味。
<時令果物>•靜岡蜜瓜：蜜瓜香甜多汁，連平時唔鍾意食生果嘅我，都食到停唔到口。
張貼
