YAKINIKU KAKURA (黃埔天地聚寶坊)

營業中

休息中

今日去黃埔行下買下啲bb野。想搵間餐廳食午餐，見到之前係銅鑼灣食嗰間燒肉嘅分店，之前食過覺得好好食入去食吓其他嘢先。我照舊叫左個黑毛和牛大判燒盛合餐🩷🩷🩷🩷🩷因為佢個大判燒真係好大塊得黎又濃牛味，一試難忘。跟左沙律餐湯小食甜品同埋可樂。佢啲牛肉牛味好濃，入口即化。而且佢加左啲燒汁係面，燒完完全唔洗點醬都好夠味，而大果塊和牛由店員幫我地燒，燒到岩岩好，點埋溫泉蛋一齊，啲蛋汁加埋個和牛度令到佢更加滑，佢油脂分布得好平均，佢小食配左個牛肉粒都好惹味，再加配個酸酸meimei既柚子醋汁更加開胃。甜品有我最鍾意既牛奶雪米糍同杏仁奶凍勁滑。依舊保持到水準。另一個叫左黑毛豚盛合🩷🩷🩷🩷🩷 跟左沙律餐湯小食甜品同埋凍檸茶。佢係跟左黑毛豚無骨小排，黑毛豚脛肉，宮崎黑毛豚香腸同飯。佢個豚肉都好好食，燒完都好嫩滑，又唔會好乾柴，同埋佢個腸燒完咬落去爆曬汁好正！聞落勁香。再叫咗鐵板豚肉生薑燒Set配凍檸茶🩷🩷🩷🩷🩷估唔到佢個豚肉連炒都做到咁好，甜甜地既燒汁加埋啲配菜炒香佢，連啲豚肉每塊都掛曬汁送飯一流。食左呢三個餐都係咁好食。