Ikigai Concepts (已結業)

收工嘅時候非常肚餓，路過一間餐廳見到有位就入咗去啦，餐廳非常之大，全日本設計，入到去就見到一個清酒機，幾特別 。🌟北海道帆立貝三文魚籽意粉 $218睇到個名覺得好吸引，平時呢啲多數都係食日式丼飯，今次竟然係配合咗意粉去煮出嚟。北海道帆立貝好大隻，煎香左之後超香口，入面嘅肉係好嫩，超高水準。🌟日本蕃茄意粉 $138 呢個意粉係用咗日本優質蕃茄，一啖一粒，第一次去食車厘茄去配搭意粉，感覺好新鮮。加上啲蕃茄汁係超多，意粉夠晒彈牙，好味到停唔到口。