影片
更多
2018-08-05
66 瀏覽
北海道名物湯咖喱係香港始終唔盛行，以前銅鑼灣有間專門店，但最後都逃唔過執笠命運。早前係銅鑼灣Kikusan發現有湯咖喱，試過之後當然談不上正宗，志在止止癮。但世上冇嘢可以阻到我搵食的心，我知道鰂魚涌都有間食北海道菜式的店，叫「asiri」，一樣有湯咖喱食，但佢星期六休息，唯有搵日放工後專程去試試。鋪頭店面唔算細，但樓面連老闆得兩個人，都係小店形式經營，還好夜晚客人唔多，佢哋都應付到。店主係日本人，操得一口流利廣東話，非常好客有禮。店鋪牆上畫左一幅北海道地圖，店主看來已將全個北海道制霸，應該係非常喜歡呢個地方，所以主打的菜式都係北海道菜。北海道菜有d咩？除左我成日提的湯咖喱之外，仲有豚丼、石狩鍋、成吉思汗烤羊肉等等。晚餐時段多數係set，包沙律同飲品。點菜後就先送上沙律，係薯仔沙律，唔知薯仔係咪都由北海道運來，但真係好食，薯仔唔係整到變蓉，仲咬到一舊舊的，有質感，又香又甜，沙律菜都新鮮爽脆，係唔錯的開始。湯咖喱（$108）有幾種配料可選，包括雞腿、豚肉、魚柳同野菜，我當然選最original的雞腿。端上來的第一個感覺係，賣相同北海道的係差不多，不過湯咖喱同飯的分量偏少。撈一撈有咩配料，都
早前係銅鑼灣Kikusan發現有湯咖喱，試過之後當然談不上正宗，志在止止癮。但世上冇嘢可以阻到我搵食的心，我知道鰂魚涌都有間食北海道菜式的店，叫「asiri」，一樣有湯咖喱食，但佢星期六休息，唯有搵日放工後專程去試試。
鋪頭店面唔算細，但樓面連老闆得兩個人，都係小店形式經營，還好夜晚客人唔多，佢哋都應付到。店主係日本人，操得一口流利廣東話，非常好客有禮。店鋪牆上畫左一幅北海道地圖，店主看來已將全個北海道制霸，應該係非常喜歡呢個地方，所以主打的菜式都係北海道菜。北海道菜有d咩？除左我成日提的湯咖喱之外，仲有豚丼、石狩鍋、成吉思汗烤羊肉等等。
晚餐時段多數係set，包沙律同飲品。點菜後就先送上沙律，係薯仔沙律，唔知薯仔係咪都由北海道運來，但真係好食，薯仔唔係整到變蓉，仲咬到一舊舊的，有質感，又香又甜，沙律菜都新鮮爽脆，係唔錯的開始。
湯咖喱（$108）有幾種配料可選，包括雞腿、豚肉、魚柳同野菜，我當然選最original的雞腿。端上來的第一個感覺係，賣相同北海道的係差不多，不過湯咖喱同飯的分量偏少。撈一撈有咩配料，都幾強勁，除左雞腿，仲有我最愛的炸西蘭花、南瓜、蛋、薯仔、紅蘿蔔等等。呢度的湯咖喱係唔辣，唔似北海道有得選辣度，如果想食辣，就唯有自己加辣粉。呷一口湯，味道充滿香料味，醇厚但唔嗆，的確有8成北海道風味，連日本米飯同吃，好有身處北海道之感，不過如果湯可以多返d就最好。雞腿煮得軟爛，輕易就可骨肉分離，其他配料都ok，當然最欣賞仍然係西蘭花，炸過之後味道同口感都提升幾倍。
另外點左豚丼（$118），比湯咖喱更貴，但分量同樣唔多。豚丼本身係帶廣名物，除左豚肉之外，醬汁都係靈魂所在。不過呢度的就令我有點失望。首先豚肉已經唔係厚切，但食落都係韌韌的，亦冇帶少少肥的油脂香。醬汁亦唔係印象中的味道，同埋好少，大部分時間都係食緊白飯。相對於湯咖喱，呢個就普普了。
由於菜式偏少驚唔飽，所以再點多個北海道南瓜薯餅（$55）。一碟有兩大個，淨係睇樣都知炸得好酥脆，咬落去真係有咔嚓一聲，個脆漿非常薄，裡面係滿滿的南瓜餡，好足料，味道亦好甜，雖然佢有個沾醬，但建議食原味，更可感受到南瓜的甜，熱辣辣，非常好食。
臨走忍唔住用三腳貓日文讚老闆的廣東話講得好，佢都笑容滿面謙虛咁話只係識少少，好親切。呢種待客以誠的態度已屬難得，更何況佢唔隨波逐流，唔賣大眾化的拉麵、串燒，努力宣揚北海道菜，如此有誠意小店，一定支持。
張貼
