源記甜品專家 (已結業)

"Kowloon, Kowloon, Hong Kong……"黎到呢間咁傳統又經典的舖頭，就不其然想起呢首懷舊金曲。第一次黎食就要排隊，明白的，不過好快有枱。又點可以唔點招牌雞蛋糕，真係幾清香，即係海綿蛋糕，唔係好軟熟，可能無咁多添加劑，但係食風味。上枱已經好正，好懷舊，從來都未見過用銀碟托壽字碗上。蓮子杏仁露，蓮子鬆化，杏仁露香甜，非常滋潤，下次要加蛋食，但要加黑蛋，不要白蛋。桑寄生蛋茶，清清地又有D藥材味，蛋先係精粹，超級好食，連蛋心都入味。