囍源古早蛋糕 (已結業)

今日經過深水埗囍源正宗古早味蛋糕， 聞見蛋糕嘅香味 一不小心，又買左幾條番屋企。呢度嘅正宗古早味蛋糕除咗有原味之外仲有好多坊間少見嘅味道， 例如薑汁柚子、金枕頭榴槤 等等， 當然仲有 流心芝士、鹹蛋、黑芝麻、紫薯朱古力， 應有盡有梗有一款啱食 。呢度古早味蛋， 做得正宗，原因係佢哋嘅蛋糕唔係焗出嚟，係真真正正的古早蛋糕。平時見到嘅古早蛋糕都會有啡邊啡底， 但係呢啲嘅古早蛋糕都係黃金邊黃金底， 淨係睇見舊蛋糕好多覺得似食緊舊黃金。 最重要係少油少甜製作， 攞上手， 食完舊蛋糕 唔會有油淨低， 咁先至係真正嘅正宗古早味蛋糕。原味古早蛋糕蛋糕食落香軟濕潤，就好食緊泡泡咁樣， 輕而軟食落唔會感覺油膩， 簡簡單單就只有雞蛋和麵粉香味， 完全冇多餘香精的味道 。紫薯古早味蛋糕師傅每日將紫薯蒸熟再打成蓉， 紫薯味香甜， 配搭綿密香軟的蛋糕，加上淡淡的蛋香， 超好食的。流心黑芝麻古早蛋糕黑芝麻就好似食緊芝麻糊一樣， 濃濃的芝麻香氣， 再加上鬆軟濕潤的蛋糕 ，為簡單的古早味蛋糕 再添一個層次。順帶一提，即使食唔曬放喺雪櫃，第二日攞番出黎食都係同新鮮焗出嚟嘅蛋糕一樣味喔。