雖然要等位，但等一陣都有枱
三個人食都好飽
每碟份量都多
叫左蝦多士 (28蚊/舊)
鐵板炒牛仔骨 128
十分夠鑊氣，味道偏咸，份量夠3至4人食
另外叫了芥蘭同炒大蜆
想叫梅菜扣肉同牛腩煲都冇供應。
整體食物是不錯的，可惜服務太趕客，都未食完已經趕住收碟，食到一半諗住放低筷子吹陣水，侍應姐姐都問左4次收得碟未，十分趕客，途中仲不斷收走不同碗碟，平均碟嘢食完後十秒已經比人執走，十分勤快。其實我地坐低都已經8點，外面亦都冇大排長龍，真不明白點解要咁想趕我地走。
食物雖然不錯，但想同朋友開心一聚，閒談一番，這就恐怕不是一個好地方，而我也不會想再來次來這間餐廳了
真金白銀自己比錢食，有曬碌卡資料，冇受到任何款待！
