桂花小幸 (將軍澳廣場)

營業中

休息中

今日中午喺將軍澳見客，唔知道食乜嘢好，將軍澳廣場行嚟行去，都唔想食吉野家嗰啲，咁啱見到有間台灣餐廳裝修好似唔錯，見到餐牌午餐都係大概60幾蚊左右所以就入去試吓。好鍾意食豬手嘅我梗係叫咗個豬手飯返嚟食，豬手大盤都嚇死我，有成5舊咁多，仲要涵得好入味，搞到我食唔停口。朋友就叫咗雞奕紅燒牛肉麵，紅燒牛肉麵嘅湯底都唔錯唔會太甜，雞翼就普普通通啦相對來講都係豬手好食啲。另外叫咗紅棗桂花菊花茶，感覺好潤，岩曬女人飲。