喫茶ちょうぼ

營業中

休息中

成日行過呢間餐廳都會想入去，因為個氛圍實在太吸引了！兩個人叫左炸七味雞軟骨($69)、特大海老蛋包飯($122)、牛肉芝士漢堡($105)、南瓜芝士蛋糕($49)、焙茶麻糬沙冰($52)、小倉紅豆牛乳($38)，飽到捧住個肚出去！前菜炸七味雞軟骨熱辣辣上場，成日覺得食物啱啱新鮮滾熱辣上嚟點會唔好食呀！點埋個沙律醬，鹹鹹辣辣再加少少甜，好食！餐廳叫蛋包飯都係一種試驗，因為有啲餐廳嘅蛋包飯會係白飯，見到會好失望。但呢度係有事先炒過嘅茄洲飯，咁嘅蛋包飯已經無得輸。特大海老都無辜負佢個名，都真係大大一條，炸到酥酥脆脆。牛肉芝士漢堡夾住塊厚漢堡扒，係一口不能掌握嘅size，keep到肉汁好juicy，配菜嘅薯條都一樣令人食唔停口。焙茶麻糬沙冰同小倉紅豆牛乳，我比較欣賞後者，尤其欣賞自己叫左熱嘅，特別帶到紅豆嘅甜味出嚟。兩杯都飲得出無特別加好多糖，入口嘅都係原材料嘅原味。南瓜芝士蛋糕令我出乎意料嘅係，南瓜唔係得個名，而係真係有大大一片南瓜喺度，有趣！芝士蛋糕係偏日式嗰種，作為飯後甜品唔會太膩。今餐，好飽，好飽！強烈建議兩個人的話可以叫少啲啲，不過我明白係一件難事，因為會樣樣都想試下！= 喫茶ちょう