名代宇奈備長炭燒鰻魚飯專門店 (iSQUARE國際廣場) (已結業)

簡單來說，近近地尖沙咀搵食，可以黎試下。個日星期四夜晚黎，7點黎到個美食廣場都冇乜人，唔洗同人迫，又諗唔到食咩，最後上左openrice，揀左呢間黎食。價錢平民化，鰻魚又幾好食，上菜快，有免費水供應，想特別要凍飲可以再嗌特飲或啤酒。鰻魚三食份量for女仔係ok既，男士就可能未必夠，加埋枱面既調味椒粉同七味粉就更好味。仲嗌左個鰻魚蛋卷都唔錯，幾好食，同埋佢係即整，熱辣辣，係吸引既~ 不過就咁食就唔係咁夠味，想濃味d都係要加一加調味粉，可惜好快清晒，相都冇影到。兩個人靜靜地黎食又幾好，會再黎食既