影片
更多
2017-05-25
503 瀏覽
觀塘越來越多好嘢食，見呢間放題都唔少人讚，同班朋友決定去試吓。之前食過同一座大廈嘅另一間放題，完全唔掂，所以本身對呢間都冇乜期望。但係食完之後有驚喜，皆因整體食物質素不錯。雖然講唔上有乜嘢花巧嘢食，但係其實食放題最緊要選擇夠多，食物新鮮美味，而極尚大瀛喜真係做到晒呢幾點。見到本好似聖經咁厚嘅落單紙，已經未食先興奮。基本應該有嘅食物都搵到，尤其是刺身種類比其他放題多，淨係蝦都有幾種。啲刺身都屬於高質素，又新鮮又肥美。而且件件都好厚身，食落特別肥美，正！炸物同天婦羅都不過不失。特別推介雞翼，超香！天婦羅同吉列蠔個外皮厚咗少少，但係啲肉非常鮮甜，都值得食吓！最最最正唔叫唔得嘅有焗凡立貝，啲BB沙律醬嘅酸甜味同凡立貝嘅鮮甜味平衡得啱啱好。另一樣係燒鰻魚，唔似係雪藏叮返熱個啲低級貨色，拍得住高級日本料理嘅肥美甘香鰻魚，好食到影唔切相已經食晒。牛舌又係另一出色傑作，最驚啲牛舌硬到好似食香口膠咁，呢度啲牛舌厚薄適中，食落爽口，少少鹽嘅鹹味加上甘而不膩嘅油香，食完要無限添加。放題飲品任飲是常識吧。但係我就未見過有咁咁咁多種嘢飲揀，仲要有啲我都未飲過，而且有暖嘅維他奶菊花茶添。呢種milky soda我
觀塘越來越多好嘢食，見呢間放題都唔少人讚，同班朋友決定去試吓。之前食過同一座大廈嘅另一間放題，完全唔掂，所以本身對呢間都冇乜期望。但係食完之後有驚喜，皆因整體食物質素不錯。雖然講唔上有乜嘢花巧嘢食，但係其實食放題最緊要選擇夠多，食物新鮮美味，而極尚大瀛喜真係做到晒呢幾點。
見到本好似聖經咁厚嘅落單紙，已經未食先興奮。基本應該有嘅食物都搵到，尤其是刺身種類比其他放題多，淨係蝦都有幾種。啲刺身都屬於高質素，又新鮮又肥美。而且件件都好厚身，食落特別肥美，正！
炸物同天婦羅都不過不失。特別推介雞翼，超香！天婦羅同吉列蠔個外皮厚咗少少，但係啲肉非常鮮甜，都值得食吓！
最最最正唔叫唔得嘅有焗凡立貝，啲BB沙律醬嘅酸甜味同凡立貝嘅鮮甜味平衡得啱啱好。
另一樣係燒鰻魚，唔似係雪藏叮返熱個啲低級貨色，拍得住高級日本料理嘅肥美甘香鰻魚，好食到影唔切相已經食晒。
牛舌又係另一出色傑作，最驚啲牛舌硬到好似食香口膠咁，呢度啲牛舌厚薄適中，食落爽口，少少鹽嘅鹹味加上甘而不膩嘅油香，食完要無限添加。
放題飲品任飲是常識吧。但係我就未見過有咁咁咁多種嘢飲揀，仲要有啲我都未飲過，而且有暖嘅維他奶菊花茶添。
呢種milky soda我都係第一次見，幾好飲，真係有少少鮮奶味。
呢隻好hit但係貴到唔捨得買嘅coconut water都係任飲，飲咗幾枝已經回咗一半本，哈哈。
二百蚊鬆啲就有咁嘅食物質素同選擇，算係性價比極高嘅放題！
張貼
