Shahrazad Lebanese Dining Lounge & Bar

呢間餐廳主打中東菜式，喺香港來講都算係少數既選擇。 餐廳嘅氛圍都係充滿異國風情，入到去嘅感覺就好似去咗一場小旅行咁！裝修方面用咗好多馬賽克嘅元素，加上繽紛色彩嘅燈光配合，造成一個置身於阿拉丁童話故事中既錯覺。而且入邊有好多打卡位，就連個廁所設計都別有一番特色！食物方面：對於我呢個第一次食中東菜式既人黎講有驚喜，整體係好食又特別既體驗！我最鍾意嘅菜式就係mixed grill，有晒唔同種類嘅烤肉，烤得啱啱好，記唔會太鞋又唔會太韌，啱晒我呢啲食肉獸。飲品方面：餐廳都有好多款嘅飲品選擇，我哋就嗌咗幾杯Cocktail，佢哋嘅Cocktail嘅造型都好特別，望落已經好加分，貫徹可以打卡嘅風格！不過我覺得性價比就唔算好高，但係如果你着重體驗同埋打卡嘅話，佢會係一個唔錯嘅選擇。始終喺中環呢區，仲有咁特色嘅裝修，價錢就一定會有返咁上下。