米走雞 (昭德大廈) (已結業)

琴日約咗幾個朋友出去食飯，見天氣又開始有啲涼，我哋就去食雞煲同打邊爐。呢度有麻辣雞煲同埋芝士雞煲可以揀。不過因為有朋友唔食得辣，所以我哋就揀咗芝士雞煲。呢個芝士雞煲芝士味真係好香，係煲入面睇到有兩種唔同嘅芝士，仲有啲紅蔥同洋蔥喺入面。雖然我哋係叫咗個細嘅煲，但係份量都幾多。食完雞煲，啲姐姐就幫我地加入左芝士湯打邊爐。所以睇得出個湯底係偏黃色嘅。我哋叫咗個虎蝦，總共有六隻。而啲蝦都好生猛，而且蝦頭都特別大嘅，而且蝦肉好結實，味道都好爽口，連個蝦頭都食得。