影片
更多
2019-09-09
168 瀏覽
食完飯搵地方食甜品，黎到赫道見到呢間野有大大個玻璃見到有個師傅整緊pancake，就被深深吸引要黎呢度食。叫左兩個pancake一個雪糕。<水蜜桃芝士pancake> ($138）餐廳會因應季節提供唔同嘅水果pancakes, 而9月既水果就係水蜜桃喇！ 水蜜桃pancake既賣相非常之靚，適合打卡影相。 味道方面，由於pancakes係用米粉整，所以比較有米味，同其他餐廳用麵粉整既pancakes重麵粉味唔一樣。清淡既米粉味pancakes配搭埋甜得黎帶有少少咸既芝士，成個味道岩岩好！水果方面店家好闊綽咁一次過比左好多片大大舊既水蜜桃去配呢個pancake，水蜜桃新鮮juicy，配埋pancakes真係好好味！<焙茶pancake> ($98)呢個就跟黑糖漿同紅豆蓉。係另一種感覺，因為落既係焙茶粉，口感比較乾身，要落糖漿自己調味。焙茶味道比抹茶多一點苦甘味，香味依然吸引。<甘酒美人軟雪糕> ($38)呢個係無奶、無蛋既雪糕，咁特別所以就算食pancake咁飽肚都要試埋！個雪糕仲含有植物性乳酸菌，咁健康就更加唔驚啦。口感比較結實，味道帶有
食完飯搵地方食甜品，黎到赫道見到呢間野有大大個玻璃見到有個師傅整緊pancake，就被深深吸引要黎呢度食。
叫左兩個pancake一個雪糕。
<水蜜桃芝士pancake> ($138）
餐廳會因應季節提供唔同嘅水果pancakes, 而9月既水果就係水蜜桃喇！ 水蜜桃pancake既賣相非常之靚，適合打卡影相。 味道方面，由於pancakes係用米粉整，所以比較有米味，同其他餐廳用麵粉整既pancakes重麵粉味唔一樣。清淡既米粉味pancakes配搭埋甜得黎帶有少少咸既芝士，成個味道岩岩好！水果方面店家好闊綽咁一次過比左好多片大大舊既水蜜桃去配呢個pancake，水蜜桃新鮮juicy，配埋pancakes真係好好味！
<焙茶pancake> ($98)
呢個就跟黑糖漿同紅豆蓉。係另一種感覺，因為落既係焙茶粉，口感比較乾身，要落糖漿自己調味。焙茶味道比抹茶多一點苦甘味，香味依然吸引。
<甘酒美人軟雪糕> ($38)
呢個係無奶、無蛋既雪糕，咁特別所以就算食pancake咁飽肚都要試埋！個雪糕仲含有植物性乳酸菌，咁健康就更加唔驚啦。口感比較結實，味道帶有少少茶味，偏向清爽，幾特別啊！
張貼
