極尚大瀛喜日本料理

營業中

休息中

好耐都無食放題，揾班friend約食，佢地話要嚟呢間，咪玩啦，入觀塘食，但係佢地話揀呢間正的，包我滿意。無計就下佢地。間野大到飛起，超爆人，有自助區，都多野揀，飲品多揀，好多大路野。刺身OK，呢個價無可能係極品刺身，食得過，我覺得當日虎嘏刺身最好食。我最愛食係卷物，軍艦，呢度D唔錯，芒果龍蝦沙津卷超正，一定要叫。創作料理全部match得幾好，好似係芝士鰻魚玉子燒香蔥鵝肝帶子，好食呀! 而串燒，我覺得呢間最好食，燒菠蘿，海蝦，牛舌，鰻魚，蕃薯仔，翠肉瓜都好正，不過多D串燒款重Perfect! 天婦羅，炸物都OK。呢度D雞翼整得好味，有款芝士蘑菇釀雞翼，燒雞翼和炸雞翼好好味。其他野有炒蝦，炒中蝦，花膠，蒜片牛柳粒D中式野食，好正。至於甜品，D芒果布丁，朱古力杯都好正，雪糕我無食，但班friend當飯食，話都食得過。我反而覺得食下自助區D生果都正。