影片
更多
2021-09-14
135 瀏覽
屯馬線開咗去九龍城搵嘢食真係好方便，但係今日又唔想食泰國嘢同潮州嘢。咁不如打邊爐啊，朋友又話熱氣，怕熱氣不如食蒸加啦！太熱啦見到呢間勁近地鐵站既蟹仙海鮮蒸氣鍋就衝入去坐低😫😫😫坐低咗之後店員向我哋推介套餐，依家仲有5折只係399就可以一次過食晒唔同種類嘅海鮮，同埋佢哋嘅海鮮都主要野生為主。唔想諗嘢嘅朋友嗌套餐絕對係明智既選擇。成個過程店員都不斷係側邊為我哋蒸海鮮同講解，十分之細心！越南大虎蝦唔算話超大隻，口感爽口Juicy，蝦頭裏面嘅汁帶鮮甜嘅味道。日本大元貝雖然蒸完之後有啲縮水，元貝嘅裙邊爽口，元貝肉細嫩。韓國慶南珍珠蠔珍珠蠔比較細隻，但蠔味一啲都唔小，食完之後口入面仍然keep住有好嘅香味。台灣九孔鮑魚都算係偏大隻，口感軟熟而且鮮甜。太平洋野生青口店員極力推介佢哋嘅青口，係市場上少有嘅新鮮青口。店員話青口裏便嗰條草，係要野生嘅青口先會有。平時嗰啲青口冇咬口食落又粉，呢隻野生青口肉質竟然係嫩滑既！推介推介！紐西蘭刀貝呢個口感就一般，而且有啲un!澳洲龍蝦龍蝦嘅肉好豐滿，一叉落去成條肉起出黎食，肉感正，味道鮮甜好重龍蝦味！太平洋饅頭蟹呢隻蟹個樣好得意圓轆轆，佢個味好甜，但係肉真係好少，
太熱啦見到呢間勁近地鐵站既蟹仙海鮮蒸氣鍋就衝入去坐低😫😫😫
坐低咗之後店員向我哋推介套餐，依家仲有5折只係399就可以一次過食晒唔同種類嘅海鮮，同埋佢哋嘅海鮮都主要野生為主。唔想諗嘢嘅朋友嗌套餐絕對係明智既選擇。成個過程店員都不斷係側邊為我哋蒸海鮮同講解，十分之細心！
越南大虎蝦
唔算話超大隻，口感爽口Juicy，蝦頭裏面嘅汁帶鮮甜嘅味道。
日本大元貝
雖然蒸完之後有啲縮水，元貝嘅裙邊爽口，元貝肉細嫩。
韓國慶南珍珠蠔
珍珠蠔比較細隻，但蠔味一啲都唔小，食完之後口入面仍然keep住有好嘅香味。
台灣九孔鮑魚
都算係偏大隻，口感軟熟而且鮮甜。
太平洋野生青口
店員極力推介佢哋嘅青口，係市場上少有嘅新鮮青口。店員話青口裏便嗰條草，係要野生嘅青口先會有。平時嗰啲青口冇咬口食落又粉，呢隻野生青口肉質竟然係嫩滑既！推介推介！
紐西蘭刀貝
呢個口感就一般，而且有啲un!
澳洲龍蝦
龍蝦嘅肉好豐滿，一叉落去成條肉起出黎食，肉感正，味道鮮甜好重龍蝦味！
太平洋饅頭蟹
呢隻蟹個樣好得意圓轆轆，佢個味好甜，但係肉真係好少，想大大啖食都唔得🥲
大黃奄蟹
咁多款海鮮我最欣賞係呢隻蟹，又多膏又多肉，店員話係來自菲律賓。扯啲蟹腳出嚟d蟹肉係一梳梳連住🥰蟹鉗裏便都係超厚肉！蟹膏又唔苦，同蟹肉一樣好鮮甜！食完有幸福滿足嘅感覺！
開頭以為每樣得壹舊會唔飽，最後食埋隻蟹之後原來都真係會飽，真係眼闊肚窄🤣
最後食埋充滿海鮮精華嘅粥底，真係飽到上喉嚨。食埋個椰汁燉官燕perfect ending🥰
張貼
