影片
更多
2020-11-05
508 瀏覽
片皮鴨 $398 做緊特價好抵食 ！！！❤️而且經open Rice 訂位飲茶仲有八折優惠 ❤️本來想試食之後同朋友分享不嬲都好鍾意起呢度飲茶店舖好大 攞晒全層隔離王家沙係同一個集團紅樓啲點心好精緻 而且地方好舒服唔會好似平時去飲茶咁好嘈 傾唔到計次次坐得好舒服咁樣聽住西式音樂 好享受咁喺度嘆茶食住點心同朋友傾吓計知道呢度嘅片皮鴨係即叫即燒即興嚟所以就算等咗個幾鐘 都要等叫咗幾個點心食住等。。。。。。。。。。終於到見到隻鴨 懷着興奮嘅心情由於當時已經6:00pm 7:30pm 又約咗人食晚飯一個操着鄉音廣東話嘅阿姐幫我哋喺度片隻鴨首先 佢冇帶手套 不嬲見到人哋都有帶隻手套先開隻鴨 何況有疫情 見到佢隻手都掂到隻鴨幾次我冇出聲 當佢片左幾塊出嚟嘅時候我行埋去同佢講 唔該兩隻脾唔好片想原隻脾切出嚟 心諗隔多一個半鐘又開始食晚飯三個人真係食唔落（諗住打包攞返去孝敬兩老）惡夢開始～～～～～阿姐唔願意：禁中間啲肉唔熟個喎我：咁即係唔可以成隻脾片出嚟？其實我心諗關中間啲肉熟唔熟咩事阿姐態度差望住我：我唔識整！呢啲係要師父先識我：好吖～咁叫師傅整阿姐繼續片 ：你要咁樣整中間啲肉真係唔熟我: 我唔係好明
❤️而且經open Rice 訂位飲茶仲有八折優惠 ❤️
本來想試食之後同朋友分享
不嬲都好鍾意起呢度飲茶
店舖好大 攞晒全層
隔離王家沙係同一個集團
紅樓啲點心好精緻 而且地方好舒服
唔會好似平時去飲茶咁好嘈 傾唔到計
次次坐得好舒服咁樣聽住西式音樂
好享受咁喺度嘆茶食住點心同朋友傾吓計
知道呢度嘅片皮鴨係即叫即燒
即興嚟所以就算等咗個幾鐘 都要等
叫咗幾個點心食住等。。。。。。。。。。
終於到見到隻鴨 懷着興奮嘅心情
由於當時已經6:00pm
7:30pm 又約咗人食晚飯
一個操着鄉音廣東話嘅阿姐
幫我哋喺度片隻鴨
首先 佢冇帶手套
不嬲見到人哋都有帶隻手套先開隻鴨 何況有疫情 見到佢隻手都掂到隻鴨幾次
我冇出聲 當佢片左幾塊出嚟嘅時候
我行埋去同佢講 唔該兩隻脾唔好片
想原隻脾切出嚟
心諗隔多一個半鐘又開始食晚飯
三個人真係食唔落
（諗住打包攞返去孝敬兩老）
惡夢開始～～～～～
阿姐唔願意：禁中間啲肉唔熟個喎
我：咁即係唔可以成隻脾片出嚟？
其實我心諗關中間啲肉熟唔熟咩事
阿姐態度差望住我：我唔識整！呢啲係要師父先識
我：好吖～咁叫師傅整
阿姐繼續片 ：你要咁樣整中間啲肉真係唔熟
我: 我唔係好明 咁我都話叫啲師傅整 你又話啲肉唔熟 算啦算啦～咁你照返平時片嗰個方法～其實我已經唔想同佢糾纏 同埋佢嘅態度同語氣都話俾我聽佢好唔願意做一啲佢平時唔係咁做嘅嘢
最後見到碟野有三份二都係得啲皮
三份一黐住咗少少幾片肉
目測都唔知有冇10塊係有肉黐住
我問佢 點解啲肉唔片出嚟
得返啲皮咁少肉 ？
佢：係咁食個喎
又係答果句啲肉未熟得晒 ，嗰刻我真係要爆了 唔通我第一次食片皮鴨咩
下次睇住佢哋自己幅$398圖先片啦
有一半我都好開心 唔奢望好似佢哋幅相咁爆曬肉
我同佢講 咁呢隻鴨我比嗰個價錢係咪屬於我㗎？
佢話係，我：咁其餘嗰啲打包走啦！我真係同你溝通唔到，猛咁話啲肉唔熟 我都話我食唔晒咯～諗住想打包兩隻脾咁都聽唔明
我拎返屋企自己加熱唔得咩 ！
真係一粒老鼠屎 整壞咗成煲粥
明明啲嘢食係好唔錯～～
就咁樣俾佢搞到個氣氛冇咗～～
不嬲食片皮鴨都係兩食
一邊係皮一片係多肉嘅
我都唔記得影隻鴨相 大家就會睇到仲係幾咁多肉喺度 就諗住收走
我立即覺得呢個價錢係唔抵囉 咁我寧願比正價 切番晒啲肉俾我
平時我係絕對唔會要求打包隻鴨咁肉酸！
我知道平時啲酒樓略略切晒啲皮肉之後
可能係會手撕啲肉然後攞嚟做火鴨絲炆米變咗第二道菜咁樣唔好嘥 👍🏼
但今次真係嬲嬲豬 邊有人將咁多肉留起隻鴨度攞走 得啲皮同幾塊肉比客人食 真係癡鬼線！！其實隻片皮鴨味道真係唔差
不過下次絕對要求搵第二個識片嘅人出嚟
搵啲大陸阿姐亂咁嚟 態度趕客
話晒佢都係叫做中上嘅飲茶地方
咁樣真係會 搞到level低左
最後經理免左啲茶介俾我哋
希望再有機會食呢隻片皮鴨嘅時候
係會專業啲
By the way
如果唔係即興嘅話
大家除咗經OpenRice訂位會有折之外
可以再補打電話講明幾多點要食片皮鴨
咁就唔使戇居居等成一個幾鐘
甘筍鹹水角 $38
26 瀏覽
0 讚好
0 留言
花之戀+酥皮蛋撻 各$42
18 瀏覽
0 讚好
0 留言
杞子桂花糕$52
15 瀏覽
0 讚好
0 留言
片皮鴨$398
15 瀏覽
0 讚好
0 留言
大家自己睇
15 瀏覽
0 讚好
0 留言
張貼
