Hami Harmony (已結業)

約左朋友太子食飯一眼睇中呢間好多人讚既高質黃店充滿期待過黎 男店員話要等15分鐘左右但唔使等好耐 轉個頭就有位俾我地坐左係收銀隔離既二人細枱仔坐低時前面客人留低嘅水樽同埋枱面未抹但人多完全可以理解嘅睇中左黑松露帶子意大利飯同牛朳落單時男店員仲好主動話我哋知呢兩樣野可以喺二人餐度揀於是就嗌左二人餐野食真心好食但全餐真係坐得好唔舒服由起初唔舒服坐到真心嬲嬲到要即晚返到屋企立即打食評入面有個長髮及肩既女店員應該今日心情麻麻全程都黑面 黑面唔緊要我哋都明白可能今生意熱鬧有啲忙會躁底但佢同任何客人講野都係黑面令到我地有種入到黎要睇面色食飯既感覺食飯既中途 個女店員抹餐具咁我地坐係收銀隔離好接近佢聽住佢每一下抹完都大大力擲啲餐具好嘈 超嘈！連其他店員都提佢細力啲！但佢係更加大聲將啲鐵刀叉擲落個鐵桶！咁都未完 隔離枱嘅客人走咗佢又係大大力飛本menu落枱面人哋落完order佢又係擲本menu番收銀枱但係我地係坐收銀隔離食正佢每一次發既脾氣佢擲menu落收銀枱其實啱啱好係我地塊面水平位係直頭有風吹起埋頭髮🤦🏻‍♀️可想而知我地全程食得幾唔安落😭埋單嘅時候 男店員仲好好咁同我哋講下次可以打電話黎book位