兄弟幫食堂 (已結業)

同朋友傾開計話好耐無見…話不如出黎見下面食串燒。 串燒正喎…原先話去佐敦…不過印象試好味既都執左…咁我提議不如去旺角兄弟幫…一來對我方便d…二來之前試過茶記d野ok…呢個舖位比之前寬敞…好坐好多。 呢度我估夜晚主要做下串燒…又有日式拉麵主食。 我地3條友你點下我又點下…都點左幾多野食…雞翼呀…燒瀨尿蝦乾…雞泡魚乾…燒日式叉燒…羊架(我唔食的😣)…年糕…豬頸肉…冬菇…燒菠蘿…蕃屎…又有d小食…虎皮🍌…蟹餅等等…最後加送左份雪魚乾…好似薄薄既薯片好香脆食物調味同火喉都幾好…鹹食都燒得好惹味…加上服務好好…好有禮教重點推介有:燒豬頸肉 (豬爽肉)燒日式叉燒腩肉波板糖燒魚皮餃 (餐牌暫時無的😎😎)