33
2
3
電話號碼
55466524
開飯介紹
提供一系列冰室懷舊菜式,以原條滑蛋鰻魚飯為招牌菜,份量十足,價錢合理。 繼續閱讀
附加資料
電話訂座及加一服務費只限晚市 12月23日前營業至晚上6時
營業時間
今日營業
08:00 - 22:00
星期一至日
08:00 - 22:00
公眾假期
08:00 - 22:00
公眾假期前夕
08:00 - 22:00
付款方式
Visa Master AlipayHK 支付寶 現金 銀聯 JCB Apple Pay 微信支付
其他資料
網上訂座
Wi-Fi
酒精飲品
自帶酒水
切餅費
泊車
電話訂座
賞訂座積分
加一服務費
室外座位
電視播放
當面支付
有關獎賞計劃
招牌菜
原條滑蛋鰻魚飯 宇治金時抹茶紅豆冰
食評 (41)
日式放題就食得多,串燒放題食過未?平時同朋友兩個人去食串燒閑閑哋都五六百蚊賣單,香港竟然有任食串燒!當然要去試吓啦。環境位於上海街,朗豪坊後面,地理位置都唔難找,餐廳屬小店,但座位都坐得舒適。餐牌我哋食Plan a,90分鐘任食串燒、和牛、海鮮、小食 $268+10%。串燒類差唔多每款都有試,當中燒魷魚鬚串、燒雞泡魚干、燒阿根廷紅蝦火炙叉燒、燒雞腎、燒靖魚柳都係我心水之選。燒雞泡魚干係我個人喜愛,上枱熱辣辣,口感鬆軟又不缺煙韌,仲要味道好甜,我好中意。另外,我自己本身好鍾意煙肉荔枝嘅配搭,荔枝嘅清甜可以中和煙肉嘅油膩,兩者配搭恰到好處。火炙叉燒屬日式拉麵果款,薄得嚟唔韌,燒靖魚柳係原條上咁制,份量好多,鍾意佢無乜骨之餘,肉質嫩口。海鮮類Plan a嘅選擇相對上較少,但我鍾意食嘅都有,燒阿根廷紅蝦、燒蠔、燒扇貝。阿根廷紅蝦好大隻,火候十足、燒蠔可以揀蒜蓉味或者芝士味,兩款都試齊晒,美中不足係有少少沙,燒扇貝正常。蔬菜類原條茄子、燒菠蘿、燒韮菜、燒娃娃菜、燒虎皮尖椒、冬菇串。原條茄子可選川燒/和式,有時自己食放題都會嗌燒韭菜,但係次次都唔識燒,呢度燒埋上枱就有得食,燒虎皮尖椒都會有少少辣度開下胃。小食類食咗蟹子沙律、炸蟹肉忌廉餅、芝士黑松露薯角、芝麻雞翼。小食類都正常冇乜特別,不過雞翼如果有保持熱度上枱就會更好。總括而言,日式放題、韓式放題就食得多,但呢類型嘅串燒放題真係第一次食,好特別,加上平時喺香港食串燒嘅價錢都唔平,如果鍾意食更多海鮮選擇再加埋和牛,就可以食再貴啲嘅套餐。 繼續閱讀
(以上食評乃用戶個人意見 , 並不代表OpenRice之觀點。)
小編平時係旺角食飯通常都會係女人街多,因為覺得就腳又多野食🤣。但自從上次小編係旺角近住油麻地一帶發現一啲隱世美食後,覺得呢到唔單止可以做到平民價錢咁簡單,仲可以搵到特色美食👀。今次小編就去到上海街,係朗豪坊再行後少少既地方就會搵得到🏃‍♂️,一間叫做「兄弟幫食堂」,從室外內裝潢非常新穎,而且乾淨企理,小編當然要一試✨。✦✦✦✦✦✦✦✦✦✦✦✦✦✦🎈香蔥滑蛋肥牛大碗飯 $49小編留意到其他食客唔多嗌餐廳既快餐,反而係嗌餐牌入面既滑蛋飯🤔,而且小編見到隔離檯食得津津有味,所以嗌呢款大碗飯🙌。份量非常多,小編竟然食唔哂,而且滑蛋整個佈滿係飯上面,每一啖飯都食得香滑既蛋🥚。而肥牛煙韌入味,燒汁香濃,配係淡淡既滑蛋上👃,充分咁調節到味道。重點就連肥牛都一樣好多,小編太怕韌得太難咬開,而餐廳既肥牛就無呢個問題👍。✦✦✦✦✦✦✦✦✦✦✦✦✦✦小編見到餐廳有賣緊日本酒🍾,同有一支非常巨大既日本酒作擺設。餐廳既裝潢其實畀人感覺好舒適,唔會覺得雜亂無序,而且仲有一幅大畫作🎆,小編就係呢到賣個關子,希望朋友們親自過嚟望下啦👀。餐廳既位置係上海街朗豪坊後面,只係過一兩條街就到😼。✦✦✦✦✦✦✦✦✦✦✦✦✦✦ 繼續閱讀
(以上食評乃用戶個人意見 , 並不代表OpenRice之觀點。)
見到兄弟幫食堂之前推出佐串燒放題好吸引,就襯住有優惠黎試下~~.💰精選a餐 $198/1ppl 💰升級極上b餐 $268/1ppl 🔖 7折價🔼 (優惠期至11月30日🙆🏼‍♀️).放題分別包括特式串燒,海鮮類,蔬菜類,炸物小食主食,肉類,加$25仲有得任飲無酒精飲品~比較特別既有:甲羅燒,花雕乳鴿,豬腩波板糖,煙肉荔枝卷,燒鮑魚⋯大貪既我地簡佐升級B餐豪吃😛我地差唔多係第一枱晚市去到,所以一點單好快就上到成枱都係野🙈.成個menu最吸引我嘅係甲羅燒🤤蟹膏控是也~果然蟹膏係唔輸得😍撈埋蔥花同蟹子一齊食真係冇得輸🙈我地仲發現咗加落玉子燒度食好正👻即刻覺得好奢侈haha~玉子燒微微燒過,呈金黃色帶點甜😎.肉類方面肉質食落唔錯,但稍嫌有點兒太熟😶個和牛粒最好食,幾有嚼口同和牛味👍🏻 煙肉荔枝卷一咬落去好juicy,鹹鹹地再帶點荔枝甜好match,口感都幾得意~燒雞皮串熱辣辣食落幾脆口,不過好邪惡🤭(之前聽人講正,終於有機會試).海鮮嘅種類都幾多,清酒煮蜆大大兜同無沙,食落都幾清醇~仲有普遍串燒店會有既蠔,扇貝,聖子⋯主要都係落足蒜蓉同葱花去調味🙆🏼ps.偷偷地見到隔離枱嘅乳鴿同燒蝦好似幾有光澤唔錯咁🙈.總結,依家7折就可以試到和牛海鮮,有啲仲要幾特別,仲要任食刀幾划算~重點係有甲羅燒bb!!!!!而且選擇都幾多😎仲有每次比既份量都幾多~食到我地超飽😛同埋店員真係勁nice!!!好忙刀有抽時間同客人交流,而且見到廚房真係燒到無停手😕所以大家要比少少耐性廚房哥哥~ 繼續閱讀
(以上食評乃用戶個人意見 , 並不代表OpenRice之觀點。)
等級1 2021-01-22
0 瀏覽
今日早左起身約朋友黎呢度食早餐。本來想係另一間食,但後來經過呢間,之前又試過呢度午餐唔錯,就轉左場。宜家附近食早餐好多時都$35+呢度有$30+既港式早餐選擇,相對抵。我嗌左雪菜肉米餐,一睇感覺係冇味湯底,但食落雪菜好夠味,炒滑蛋質素唔錯,好過一般👍多士一上見牛油溶啲未溶啲就知唔夠熱😅朋友話都ok,我最後食已經凍晒,麻麻地🙈熱奶茶一般以上,唔錯👍👍總體黎講旺角早餐黎計食物質素不錯,價錢稍平,值得再去👍 繼續閱讀
(以上食評乃用戶個人意見 , 並不代表OpenRice之觀點。)
等級3 2020-12-17
74 瀏覽
平時食串燒都要成廿幾蚊一串甚至更貴估唔到原來串燒都有得放題啦!放題都有分兩款,第一次嚟食,揀咗個平D嘅試下先,但選擇都已經非常之多+$25有埋汽水放題,圍返$250一個人左右食放題最驚係點完等勁耐都冇,上菜慢呢度就完全唔洗擔心呢個問題,一路食一路有又快又夠熱辣辣首先海鮮類好新鮮,燒蠔同蒜蓉燒扇貝好鮮甜燒阿根廷紅蝦夠晒大隻日本清酒煮沙白,酒味濃郁,大大碗蟹籽沙律吉列炸蝦芝麻雞翼蒜蓉牛油焗什菌呢個唔記得係咩芝士漢堡餅真係勁芝味,正~汁燒鰻魚串同火炙叉燒燒魷魚鬚串﹑燒煙肉荔枝卷,超鍾意食呢個荔枝卷又juicy又fresh燒煙肉車厘茄卷都唔錯燒鱈魚干燒雞泡魚干花魚一夜干一口和牛粒鹽燒牛脷串燒肥牛金菇卷最後食返d蔬菜類點咗燒芝士翠肉瓜﹑燒韮菜﹑原條茄子﹑燒菠蘿茄子好抵讚,勁厚肉野食味道上都幾好,最緊要係叫完好快有得食而且種類夠多,最忌蝕底嘛XDD會再嚟試試貴D果款放題 繼續閱讀
(以上食評乃用戶個人意見 , 並不代表OpenRice之觀點。)