牛大人台灣火鍋吃到飽 (大鴻輝(荃灣)中心)

營業中

休息中

台灣過江龍，嚟咗香港都好長時間，每日依然排長龍，因為佢嘅品質真係一直好有保證。今次同朋友叫咗極上和牛吃到飽套餐，可以任食和牛同所有火鍋配料。牛肉嘅質素非常高，肉味濃郁，而且雪花均勻，除咗牛肉之外各種嘅海鮮都係任食，有我最鍾意食嘅蜆，最特別嘅係佢哋有自家製嘅滑，例如海鮮滑，蟹子墨魚滑，牛肉滑，喺出邊嘅火鍋都好少有咁多種類。佢哋嘅湯底用料好實在，蒜頭雞湯入邊仲有成半隻雞喺度，唔使點任何醬料，都已經好好食。最近佢哋仲同蠟筆小新合作，店內有好多打卡影相位，仲有好多蠟筆小新嘅精品可以購買，其中沙田店仲可以自費影蠟筆小新即影即有。