影片
更多
2021-03-30
7010 瀏覽
酒店：Park café (尖沙咀)地址：尖沙咀漆咸道南61-65號香港百樂酒店4樓我真係好掛住台灣🇹🇼，尤其係台灣嘅夜市美食就更加令我回味🥺，最近專登去搵台灣嘢食嗰陣，見到尖沙咀百樂酒店 @parkhotelhongkong_hk 4樓嘅Park café推出咗「台灣原味道」主題午市自助餐，啱晒我最近想瘋狂食台灣嘢嘅諗頭😍。而我閒日去就做緊成人每位HK$248加一，可以由12:00noon任飲任食到2:30pm酒店嘅總廚為求帶比客人家的感覺🏡，將好多台式食物以home-made嘅形式去處理，盡量唔用現成或者即食嘅來貨，務求將食物水準提升到一個更高層次，俾你品嚐到較為organic嘅台灣菜式。而除咗台式食物，仲有超過七十款肉類、小菜、沙律、海鮮、凍盤、甜品等比你揀😈一開始梗係試咗佢哋嘅台式凍盤先啦😋，有台式鮮蝦火腿蛋餅、台式涼拌滷豆乾，而我最鍾意嘅喺台式麻辣雞翼。廚房先將每隻雞翼嘅毛人手抆走，再浸入自己炒製過嘅滷水汁，加上秘製麻辣汁同辣椒🌶️，雞翼食落冰凍爽口，麻辣香有啲似某米線店嘅麻辣湯底🤣主食推薦唔可以錯過呢個紅燒牛肉麵，佢哋嘅牛展、蘿蔔同湯底都喺自家調製，用牛展去熬製完個湯底，令湯
地址：尖沙咀漆咸道南61-65號香港百樂酒店4樓
我真係好掛住台灣🇹🇼，尤其係台灣嘅夜市美食就更加令我回味🥺，最近專登去搵台灣嘢食嗰陣，見到尖沙咀百樂酒店 @parkhotelhongkong_hk 4樓嘅Park café推出咗「台灣原味道」主題午市自助餐，啱晒我最近想瘋狂食台灣嘢嘅諗頭😍。而我閒日去就做緊成人每位HK$248加一，可以由12:00noon任飲任食到2:30pm
酒店嘅總廚為求帶比客人家的感覺🏡，將好多台式食物以home-made嘅形式去處理，盡量唔用現成或者即食嘅來貨，務求將食物水準提升到一個更高層次，俾你品嚐到較為organic嘅台灣菜式。而除咗台式食物，
仲有超過七十款肉類、小菜、沙律、海鮮、
凍盤、
甜品等比你揀😈
一開始梗係試咗佢哋嘅台式凍盤先啦😋，有台式鮮蝦火腿蛋餅、台式涼拌滷豆乾，而我最鍾意嘅喺台式麻辣雞翼。
廚房先將每隻雞翼嘅毛人手抆走，再浸入自己炒製過嘅滷水汁，加上秘製麻辣汁同辣椒🌶️，雞翼食落冰凍爽口，麻辣香有啲似某米線店嘅麻辣湯底🤣
主食推薦唔可以錯過呢個紅燒牛肉麵，佢哋嘅牛展、蘿蔔同湯底都喺自家調製，用牛展去熬製完個湯底，令湯底非常入味，而煮完湯底嘅牛展就用返，所以食落超腍，蘿蔔同埋刀削麵索晒香濃嘅湯底，一定唔可以錯過👍
另外仲有台式煙鴨胸香蔥脆薄餅、台式鹽酥雞🐓、台式滷肉刈包、
台式滷肉飯、
台式腸等，俾你一次過可以品嚐到唔同嘅台式特色美食。
呢個台式煙鴨胸香蔥脆薄餅仲有少少cross over咗中式片皮鴨嘅形式，將煙鴨胸取代片皮鴨；將脆薄餅取代荷葉餅皮，幾得意🤪
台式糖水仲有薑汁芋圓糖水，加咗薑汁食落更順口有味道，因為出面大多數嘅芋圓糖水都無咩味，依家秋冬季節仲可以暖吓身添😎
最後梗係唔少得食返啲甜品同雪糕啦，仲有自家製嘅窩夫同疏乎厘，亦有Dreyer’s嘅雪糕任食，我唔客氣喇🤤
張貼
