影片
更多
2019-05-01
1601 瀏覽
星期日想喺尖沙咀食個late lunch，但又唔想等位同人迫，就去咗夜晚熱鬧但日頭僻靜嘅赫德道搵食。 萬豚屋主打石燒手打烏冬，啱晒我哋胃口。
【三味豚手打烏冬 魚介豚骨濃湯$84】
石鍋烏冬上枱時啲湯仲係翻騰緊，熱辣辣，香味四溢。 不過幾熱都好，食日本拉麵或烏冬，湯底都好重要。 試吓頭啖湯，味道夠濃厚，應該花咗唔少時間熬製。 我哋叫嘅係三味豚，三味豚包括厚切豚肉、薄切豚肉、豚大腸。 豚肉夠肥美，我就鍾意豚大腸嘅爽口同味道。
【大阪風《黃金胡麻担担》石燒手打烏冬$88】
担担麵食過唔少，但担担麵湯底嘅烏冬真係第一次食。 担担麵湯嘅胡麻來自百年老店「大阪和田萬」中懷石料理級別嘅黃金胡麻，好香濃，而且仲加埋担担麵嘅肉醬，好正宗。味道帶微辣，食落更惹味香口。豚肉就好厚切，有豐富肉香同油香。兩個烏冬都加咗溫室豆苗中和吓濃味。
【北海道燒帆立貝(兩隻)$68】
兩隻巨型帆立貝，落咗芝士同沙律醬燒到黃金色。 燒出嚟微焦嘅芝士好滋味，帆立貝就燒完仲feel到好鮮爽。
食完濃味湯烏冬想食啲甜品平衡返，叫咗個【伯爵茶芝士凍餅Cake set】，送咖啡或茶都只係$32，加$5就送特飲或果茶，咁抵，唔叫返s
【三味豚手打烏冬 魚介豚骨濃湯$84】 石鍋烏冬上枱時啲湯仲係翻騰緊，熱辣辣，香味四溢。 不過幾熱都好，食日本拉麵或烏冬，湯底都好重要。 試吓頭啖湯，味道夠濃厚，應該花咗唔少時間熬製。 我哋叫嘅係三味豚，三味豚包括厚切豚肉、薄切豚肉、豚大腸。 豚肉夠肥美，我就鍾意豚大腸嘅爽口同味道。
【大阪風《黃金胡麻担担》石燒手打烏冬$88】 担担麵食過唔少，但担担麵湯底嘅烏冬真係第一次食。 担担麵湯嘅胡麻來自百年老店「大阪和田萬」中懷石料理級別嘅黃金胡麻，好香濃，而且仲加埋担担麵嘅肉醬，好正宗。味道帶微辣，食落更惹味香口。豚肉就好厚切，有豐富肉香同油香。兩個烏冬都加咗溫室豆苗中和吓濃味。
【北海道燒帆立貝(兩隻)$68】 兩隻巨型帆立貝，落咗芝士同沙律醬燒到黃金色。 燒出嚟微焦嘅芝士好滋味，帆立貝就燒完仲feel到好鮮爽。
食完濃味湯烏冬想食啲甜品平衡返，叫咗個【伯爵茶芝士凍餅Cake set】，送咖啡或茶都只係$32，加$5就送特飲或果茶，咁抵，唔叫返set都對唔住自己。 蛋糕Size嚟講都唔算細件，仲有乾橙切片同藍莓，伯爵茶味道嘅甜品一向都係茶色，不過呢個cake就雪白嘅，仲有埋Dressing，觀感相當不錯。凍餅口感似雪糕蛋糕，茶味香濃。
最後仲有本格咖啡同奶茶，係午巿惠顧大阪風《黃金胡麻担担》石燒手打烏冬、Cake set跟餐送嘅。 咖啡幾香濃，不過奶茶就冇乜特別。
石燒烏冬最大賣點就係保溫效果好，我哋一路傾一路食，碗烏冬仲係熱辣辣，啱晒鍾意慢慢品嚐嘅我哋。
張貼
