影片
更多
2018-04-15
80 瀏覽
朋友仔又大一歲，一於賀一賀佢。為左彌補同唔到佢去日本旅行慶祝生日的遺憾，作為有情有義嘅我，決定請佢食日本料理補償。今次去左為食同事推介中環嘅🌸櫻花🌸。本身諗住食廚師發辦的，但朋友仔話剛剛high tea完，唔太肚餓，最後決定散叫壽司食。櫻花除左廚師發辦，仲有單點刺身，壽司，燒物，天婦羅等等。而且店員仲介紹有食鐵板燒嘅房，裝修好精緻同私隱度高，同朋友家人食飯都唔錯!!櫻花的擺盤好有日本感覺，筷子架好得意呢。小食係燒鱈魚片，鱈魚片脆卜卜，令人食唔停口，啱哂鍾意食零食嘅朋友仔!!壽司拼盤，師傅會逐件握俾你食，夠哂新鮮。左上: ♠手釣池魚♠食落魚肉非常柔軟有別一般池魚，而魚味更濃郁。師傅解說手釣池魚的肉質會靚啲，皆因釣魚過程池魚少掙扎。又上了一課!! 右上: ♥花竹蝦♥蝦肉彈牙爽口，味道鮮甜濃郁，上枱時仲見到蝦肉郁郁下。左下: ♣赤貝♣外表呈橙紅色，入口好爽脆，而且好鮮甜。中下: ♦昆布漬左口魚♦魚肉晶瑩剔透，有淡淡的甜味，柔軟中見少許煙韌，用上少少竹炭鹽調味剛剛好。右下: ♠深海池魚♠加上烏魚子，令魚肉更鮮味，而且魚肉帶油份，好好味。左上: ♥吞拿魚腩♥入口即溶，魚油充滿住口腔，真係好正，必
本身諗住食廚師發辦的，但朋友仔話剛剛high tea完，唔太肚餓，最後決定散叫壽司食。櫻花除左廚師發辦，仲有單點刺身，壽司，燒物，天婦羅等等。
而且店員仲介紹有食鐵板燒嘅房，裝修好精緻同私隱度高，同朋友家人食飯都唔錯!!
櫻花的擺盤好有日本感覺，筷子架好得意呢。
小食係燒鱈魚片，鱈魚片脆卜卜，令人食唔停口，啱哂鍾意食零食嘅朋友仔!!
壽司拼盤，師傅會逐件握俾你食，夠哂新鮮。
左上:
♠手釣池魚♠
食落魚肉非常柔軟有別一般池魚，而魚味更濃郁。師傅解說手釣池魚的肉質會靚啲，皆因釣魚過程池魚少掙扎。又上了一課!!
右上:
♥花竹蝦♥
蝦肉彈牙爽口，味道鮮甜濃郁，上枱時仲見到蝦肉郁郁下。
左下:
♣赤貝♣
外表呈橙紅色，入口好爽脆，而且好鮮甜。
中下:
♦昆布漬左口魚♦
魚肉晶瑩剔透，有淡淡的甜味，柔軟中見少許煙韌，用上少少竹炭鹽調味剛剛好。
右下: ♠深海池魚♠
加上烏魚子，令魚肉更鮮味，而且魚肉帶油份，好好味。
左上: ♥吞拿魚腩♥
入口即溶，魚油充滿住口腔，真係好正，必食!!!
左中:
♣禾稈草燒太刀魚♣
魚肉軟身，味道濃郁。
左下:
♦灸燒吞拿魚♦
位置近腹部，質感鬆軟，入口即溶灸燒過後，魚油更豐厚腴美。
右上:
♠北海道喜知次♠
肉質細嫩，魚肉呈透明狀，肉質嫩滑。加上海膽的襯托，味道鮮甜味美。
中下:
♥伊豆產金目鯛♥
帶點灸燒的香氣，魚油重而且香，魚肉好嫩滑。
右下:
♣赤鱸♣
灸燒後加上蔥薑調味，完全冇腥味!!!
♦馬糞海膽♦
肥大厚肉，顆粒清晰分明，金黃色的外表，入口便化開，好甘香濃郁!!!
壽司拼盤非常精彩，海鮮沙律都唔會無睇頭，沙律菜新鮮，魚生粒加上沙律汁略為調味，而且竟然有吞拿魚腩，好味!!!
天婦羅拼盤有3隻大蝦，上枱時熱辣辣，炸衣好薄而且香脆可口，一啲都唔油膩，好味!!!
鐵板燒銀鱈魚，魚肉嫩滑，而且唔腥，醬汁酸酸地又帶有牛油香，都幾開胃!!!
雞肉串同我最愛牛舌都燒得好好味!!! 牛舌爽脆唔韌!!!
飯後甜品海鹽雪糕，藍色令人覺得好清新呀。
朋友仔食得開心又滿意，而且店員服務好細心同貼心，會詢問食物嘅喜好!!
張貼
