埠 (已結業)

真係估唔到喺市區有個咁chill的地方，同海只是咫尺之距，今日來到太古城探朋友，佢話帶我吃好嘢，就約咗喺鯉景灣附近的『埠』等，呢度食日式料理/串燒，因此腦裡就植入咗『鯉景灣』呢三個字，搭地鐵來到西灣河，好方便地就咁來到鯉景灣，憑住之前的印象喺鯉景灣穿棱，但竟然搵唔到『埠』，冇可能冇可能，兜一圈再問吓保安，都唔係咁清楚，再打電話畀朋友，先了解到直情係西灣河碼頭旁邊，瘀到爆若一個人來，對著大海又有另一滋味。Lunch主要係定食，有成九樣嘢揀，全部都有前菜，茶碗蒸，味噌湯，御飯同甜品。於是揀咗『姿煮金目鯛定食』同『串燒定食』，金目鲷係日本人鐘意的魚，尤其係新年時必吃的吉祥魚，雖然新年已過，但都希望食咗大吉大利，金目鯛魚肉顔色係淡色的櫻花紅，魚肉味鮮又滑又嫩。而『串燒定食』有牛肉，雞翼，豚肉露筍卷，冬菇，絹豆腐，墨魚香腸，車厘茄，日本蕃薯，葷素比例合適，真係無得頂。最後係甜品泡芙