景霖正宗四川麻辣米線 (已結業)

以前在佐敦白加士街食過N次，水準不一。到譚仔出位後轉台，最近大角咀開咗分店，又比次機會試吓。下午茶時間人不多，叫了兩餸雞肉加魚旦大辣套餐連豆漿25蚊，上桌個碗夠大，但米線少得可憐，又無咬頭，啲雞肉咬落似擦紙膠，份量又少，基乎要用放大鏡至睇到，魚旦用黃色炸過嗰種，街邊6蚊兩串嗰隻，碗湯似清水得個鹹字，而且底部好多砂砂石石，好得人驚。豆漿還是溝水，以前在白加士街店親眼睇住個亞伯溝。唉，呢個舖以前譚仔做開，唔明点解會走。