影片
更多
2007-03-31
36 瀏覽
平日食零食食到有d 喉嚨痛兼有痰。(平日最愛朱古力同雪糕)今日本來仲想去basement 食吉列豬扒，但結果都係去咗和宴。其實食烤肉唔見得唔熱氣囉！嗯~ 好味好味！叫咗個日本蕃茄沙律($65)、海鮮拼盤($168)同上等牛脊里($145)。蕃茄沙律屬前菜類。食肉類前，我都想食返少少蔬果平衡返。而且個sauce 酸酸咁有黑椒…fresh 得嚟很開胃！奇蹟在個蕃茄很值得我欣賞。本人一向愛食蕃茄、車厘茄，深知本地蕃茄係易出水同個形易走樣稔bat bat…但今日呢度嗰個不但爽、實d，仲好有蕃茄味，同埋食足咁耐冇出水，因為一稔咗出水第一個遭殃會係個汁會淡晒，但乜事都冇喎！但其實$65咁叫蕃茄又似乎闊佬得制囉！(得十舊金莎咁大咋！)本地買蕃茄邊洗咁貴喎！XD 所以呢個試一次算lu！even 我真係唔知佢係咪日本嚟嘅..(註1)至於個拼盤係算抵食。侍應先生同我講適合2-3 人享用~ 果然係！因為我仲想試多種肉類咪冇叫飯囉！所以先可以另order 牛脊里。如果男士們胃口多d，唔叫飯得個拼盤一定餓暈佢喇！拼盤當中有四粒帶子、大蝦一隻、四件魷魚、豬頸肉有十件、牛肉有十二件。而另叫的上等牛脊里有7-8 件，
今日本來仲想去basement 食吉列豬扒，但結果都係去咗和宴。其實食烤肉唔見得唔熱氣囉！
嗯~ 好味好味！叫咗個日本蕃茄沙律($65)、海鮮拼盤($168)同上等牛脊里($145)。
蕃茄沙律屬前菜類。食肉類前，我都想食返少少蔬果平衡返。而且個sauce 酸酸咁有黑椒…fresh 得嚟很開胃！
奇蹟在個蕃茄很值得我欣賞。本人一向愛食蕃茄、車厘茄，深知本地蕃茄係易出水同個形易走樣稔bat bat…但今日呢度嗰個不但爽、實d，仲好有蕃茄味，同埋食足咁耐冇出水，因為一稔咗出水第一個遭殃會係個汁會淡晒，但乜事都冇喎！但其實$65咁叫蕃茄又似乎闊佬得制囉！(得十舊金莎咁大咋！)本地買蕃茄邊洗咁貴喎！XD 所以呢個試一次算lu！even 我真係唔知佢係咪日本嚟嘅..(註1)
至於個拼盤係算抵食。侍應先生同我講適合2-3 人享用~ 果然係！因為我仲想試多種肉類咪冇叫飯囉！所以先可以另order 牛脊里。如果男士們胃口多d，唔叫飯得個拼盤一定餓暈佢喇！
拼盤當中有四粒帶子、大蝦一隻、四件魷魚、豬頸肉有十件、牛肉有十二件。而另叫的上等牛脊里有7-8 件，肉質texture 係比拼盤嗰 d 牛肉豐盈、厚身同口感無渣。
帶子唔似雪藏帶子。因為我成日扭媽媽煮…所以個雪藏樣已記入腦中。雖然帶子唔厚身冇大大舊，但反而味道鮮味最真~
而蝦雖然得一隻，但肉質實淨爽嫰。仍因為得一隻，用econ 角度嚟講呢個世界有scarcity 先會有欲望。(我當時欲望咪想再食多隻囉！hahaha….)
最喜出望外都仲係個豬頸肉值得我誇讚。我真係冇諗過會咁好味架！燒到可以脆邊，又可以好有肉味。而且仲有咬口添…正！終於都真係有機會搵到似返個樣同自己交待到的豬頸肉…(過往的食評中曾提及點掛念九龍城的豬頸肉，但無奈5年嚟我出面食唔返個水準~總之唔關人同心境事啦！)
燒得好的功勞除咗睇diy 技術，亦都歸咎於個爐有網燒疏窿的設計，個火係唔會直接燒到食材，反而係離遠用熱力烤熟，加上肉片切得厚薄適中，所以肉質的半生熟度係燒得恰到好處。而且肉汁的油份滴落火勢度真係會令火溫燒得更靚~像bbq 喎！^^
其次間餐廳的醃肉功夫很好。第一返到屋企我冇渴死咗(嚼江南嗰日渴死左)；第二醃完燒完再點醬都冇過鹹，而且仲食到原有的肉味添喎！
沾點的醬汁有三種：左嗰隻豉油味重d 鹹d、中間豉油味淡少少同帶少少甜同最右酸酸有點似醋的感覺。中間我最受落…(唔係真係好忙好多人，以我性格一定搵個人指教吓咩醬汁)
至於牛，喺 menu 就提及到採用澳洲和牛。雖然我唔知道我叫嗰 d 又係咪如menu 所講，但基本上喺香港我已經唔會再奢求呢個level…..(註2)
基本上食飯甚少叫飲品。一來胃口唔大唔細叫咗飲品又怕食唔到主角，二來飲品有時其實都幾影響對食物的敏感度，三來一向少飲酒~唔佐酒真係唔知叫乜好…所以頂多食飽個肚仲有位都會寧願食甜品或叫咖啡。
一星期內咁又啅咗兩餐。講真，奢唔奢侈見仁見智。(我只但求是否與水準相乎)
平日我多數都仲只係拎住幾廿蚊的muji 袋踢對cons 去食飯。得嗰23唔上唔落的年紀都仲咁著可能話拉緊車邊…但其實寫咗咁耐食評都好似暫時未寫話邊d 食肆先敬羅衣後敬人，呢座大廈嗰 d 我就唔覺喎！
今日由一開始入座就沖咗一杯茶，到飯後佢又另沖一杯提醒飯後茶。飯後嗰杯很香玄米喎！很消滯添！
冇訂枱，happy friday 7 點鬆d 都仲冇咩人，職員、部長係熱情款待。係食到中途愈嚟愈多人時就好忙喇！唔緊要~ 烤肉都係diy 啫！對我冇影響…係人多時個個開晒爐就有點焗，但慶幸食完身上冇煙熏味。Yeah…
環顧四周的氣氛，的確有日本人、西人。服務好，值得再幫襯。
註1註2：因為自從上幾個食評我講過自己點做咗羊仔掉錢落海後，基本上出去食飯、shopping 對於標榜日本製或日本乜乜乜等等我就會敬而遠之試都唔敢亂試, 更之然從來唔會再期望d 和牛點點點囉！無謂嘥錢嘛！留嚟扮靚好喎！因為真係好心淡~ 睇怕要食好的正宗的和牛都係去返日本吧！所以對住呢d 尷尬產物我會切記叫自己不要抱住太高的期望而落搭…像人生的感情、仕途、際遇一樣：怕因期望而失望囉！.
二人共488
張貼
