心之食堂 (裝修中)

呢幾日又凍返，又濕又凍既感覺真係好難受。收工緊係嗱嗱聲搵個地方醫下肚仔，暖返下個胃。呢晚嚟到心之食堂，感覺好似去到人地屋企食飯咁，地方雖小，但有種溫暖既感覺。周圍都擺放咗店主鐘意既物品。雖然係平日，但都非常旺場，全場爆滿。通常一間鋪既食物質素係點，試下佢對自己的最有信心既出品實無錯，所以識食緊係試下店家推介。我哋嗌咗牛肉壽喜燒鍋、雞雞四寶、炸雞軟骨粒、彩虹卷、石鍋原條燒鰻魚飯、豬頸肉烏冬。首先試既係炸雞軟骨，粉漿包實每一粒既雞軟骨，唔算厚粉，唔會油膩，油溫控制得唔錯，非常香脆。而香草豬頸肉烏冬就用咗即燒既豬頸肉，非常多既香草，咬落充滿油香，湯底則是較普通既豬骨味。鋪滿香草既豬頸肉。跟住出場既係牛肉壽喜燒鍋，店家將牛肉卷起，好似花形，加上唔同既菇菌蔬菜，放入濃濃的醬油湯底，成個人即刻火熱火熱。石鍋原條燒鰻魚飯，一上檯已經聽到火熱既咋咋聲，汁同飯都被燒熱既石鍋烤到變飯焦，對於喜歡食香口野既人，最合適不過。而且鰻魚都幾多汁，撈飯食一流。彩虹卷既四面沾上紫菜粉、蟹子、魚鬆，望落色彩繽紛，非常開心，入面包裹住香脆既炸蝦同牛油果，加上沙律醬，非常開胃。至於雞四寶則是燒雞翼、軟骨、雞腎、雞皮，比較乾