響 - Hibiki 日本燒肉 (已結業)

響Hibiki日本燒肉係佐敦白加士街，主打和牛盛宴同埋刺身放題，提供高質素既食材🤤所以價錢都偏中上，平均每位$400左右，入座後店員已經根據人頭份量，準備好龍蝦、刺身和燒肉拼盤，真係一坐低就有得食，好貼心🥰－－－－－－波士頓龍蝦龍蝦冇得REFILL，不過質素真係唔錯，預先開邊，蝦膏同蝦籽都幾多，食落彈牙鮮甜，肉質飽滿，幾有鮮味☺️刺身刺身選擇應有盡有，有北海道帶子、甜蝦、油甘魚、八爪魚、馬糞海膽等，海膽真係值回唔少票價，份量多，食落甘甜，入口即溶😋仲提供埋紫菜包住食，口感更豐富，其他刺身都係厚切，冇雪味，完全唔腥，淨係呢個刺身拼盤出面都要幾百蚊和牛盛宴拼盤上有牌標示左肉既名，要reorder既時候，都分得到邊款肉需要再點🤣肉既款式好多，有澳洲和牛西冷、和牛胸腹、和牛肉眼、米澤三元豚西冷、豚腩片等，和牛牛脂分佈幾平均，烤十數秒左右就食得，肉質嫩滑，而豚肉就口感重一點，豐富肉汁