影片
更多
2022-09-07
95 瀏覽
觀塘有間餐廳食和牛關西壽喜燒出名高質，上星期終於book到位，就約個和牛控試一試，一齊品嚐下日本關西嘅味道🤭一打開餐廳門就聽到汁燒牛嘅吱吱聲同聞到勁香嘅肉味🙈 餐廳裝潢以日系木質傢俱為主，店內環境唔算好大，只擺放到四張枱，但枱與枱之間都幾闊落，並且用竹屏風隔開，感覺簡潔、企理。我地一坐低，店員先遞上凍白桃茶，飲落散發住白桃嘅果香，消脂解膩一流😎我地揀咗套餐D肉類復仇者 ($498另加一)，總共食到五款和牛，一次過滿足到和牛復仇者嘅慾望😈三式前菜，由淡至濃味開始食起和牛餃子 餃子都幾大隻而且皮薄、咬落啖啖和牛，和牛味濃夠juicy🤤柚子大根 大根即係白蘿蔔，口感爽脆，咀嚼時有淡淡嘅柚子香味，味道清甜吞拿魚蓉和牛蓋飯 一口size嘅份量，和牛一大片，油脂豐盈多汁，配埋吞拿魚蓉同葱花食，味道都幾夾每款前菜都好有心思同水準，唔錯唔錯👍食完前菜就到今餐嘅主角 - 和牛😍 店員先遞上日本生雞蛋同白飯。每枱有專人服務，唔洗自己動手燒👏 店員喺燒每款和牛前都會向我地介紹該款和牛嘅特色，亦會時刻問我地味道會唔會太濃或過鹹以再作調較。日本肉眼油脂係五款和牛之最😍 先來一塊原味品嚐和牛本身嘅味道😏 另一塊就
一打開餐廳門就聽到汁燒牛嘅吱吱聲同聞到勁香嘅肉味🙈 餐廳裝潢以日系木質傢俱為主，店內環境唔算好大，只擺放到四張枱，但枱與枱之間都幾闊落，並且用竹屏風隔開，感覺簡潔、企理。我地一坐低，店員先遞上凍白桃茶，飲落散發住白桃嘅果香，消脂解膩一流😎
我地揀咗套餐D肉類復仇者 ($498另加一)，總共食到五款和牛，一次過滿足到和牛復仇者嘅慾望😈
三式前菜，由淡至濃味開始食起
和牛餃子 餃子都幾大隻而且皮薄、咬落啖啖和牛，和牛味濃夠juicy🤤
柚子大根 大根即係白蘿蔔，口感爽脆，咀嚼時有淡淡嘅柚子香味，味道清甜
吞拿魚蓉和牛蓋飯 一口size嘅份量，和牛一大片，油脂豐盈多汁，配埋吞拿魚蓉同葱花食，味道都幾夾
每款前菜都好有心思同水準，唔錯唔錯👍
食完前菜就到今餐嘅主角 - 和牛😍 店員先遞上日本生雞蛋同白飯。每枱有專人服務，唔洗自己動手燒👏 店員喺燒每款和牛前都會向我地介紹該款和牛嘅特色，亦會時刻問我地味道會唔會太濃或過鹹以再作調較。
日本肉眼
油脂係五款和牛之最😍 先來一塊原味品嚐和牛本身嘅味道😏 另一塊就同日本生雞蛋撈勻食，令和牛更加香甜軟嫩，滿滿蛋汁香，好滿足😋
上肩里脊肉
日文讀沙巴當，係牛肩胛接近肋骨嘅部位。油花非常靚，肉質軟腍細嫩，滿口油香並且入口即融，肉味比第一塊嘅肉眼更香濃，好正😍
肩胛裡脊肉
又名辣椒仔，因為切出黎嘅形狀似辣椒而得名。油花分佈均勻，油脂較少但肉味濃郁，咬落肉質鮮嫩帶嚼勁，同蛋汁撈勻食就更加綿滑香醇😋
牛肩胛肉
呢個部位係牛經常活動到嘅部位，故肉質比較厚實。脂肪含量適中，牛味濃厚，入口軟嫩多汁，輕嚼有口感，沾上蛋汁同白飯食真係無得輸😆
澳洲牛三筋
店員介紹話未切片時共有三條筋腱連住，切片後只剩下中間一條明顯嘅筋🙈 油脂比較少但油花分佈細密，咬落牛味非常濃郁，而且肉汁豐腴，油味香濃，配埋白飯食一流🤭
野菜拼盤
材料非相當豐盛及新鮮，包括冬菇、豆腐、洋蔥、 金菇菜、芋絲、紅蘿蔔、皇帝菜及娃娃菜。店員會將和牛同蔬菜梅花間竹地烹煮，既可以幫助減膩，又可以令野菜索滿和牛嘅肉汁精華同壽喜燒汁，食落更豐油香😌
和牛炒飯
唔洗擔心食唔飽，因為接下來店員喺我地面前即整個和牛炒飯😆 呢個炒飯都好足料，有齊和牛粒、櫻花蝦、雞蛋、芝麻紫菜及葱花。呢個炒飯比一般嘅炒飯濕但飯仍粒粒分明，和牛粒依舊嫩滑，配上櫻花蝦同紫菜令味道帶點咸香之餘，仲能增加口感層次🤤 成個飯索哂蛋液同壽司燒汁，簡單美味😋
豆腐雪糕
賣相唔錯，雪糕質感軟綿，豆腐味濃郁，而且甜味適中，我地都食到心滿意足，亦為今餐劃上圓滿句號🎉
張貼
