和牛燒肉‧純 (已搬遷) 新店位置

慶祝舊同事升識加薪，今晚特別出到黎銅鑼灣小聚，呢度係佢地頭，梗係留返佢拍板。帶左我黎享利中心嘅純，係希慎隔離，嘩嘩，原來呢度好多野食。舊同事話佢定左枱，呢度walkin成日無位架。橫木裝飾，好有日劇feel，坐旁邊的剛好係一枱日本人，店員仲同佢地用日文對答如流，真係好似黎左小日本咁。燒爐，枱旁邊有得挍火力大小。餐具，齊齊整整。坐低一陣，店員遞上醬汁，酸酸地帶有芝麻香。枱上仲有鹽同胡椒。點飲品，要左可樂同cranberry juice。賣相十分精緻，點了兩樣和牛，一個豬，同一個鴨肉，期待期待期待～先試試和牛西冷，一睇就知正，雪花紋呀！燒一燒，好易就熟，入口肥美肉嫩，唔點醬汁都已經好好味。又試下鴨胸肉，比牛要燒耐啲，入口無油脂，口感較牛硬但一啲都唔韌，同樣正爆。豬腩肉，脂肪一大片，好搶火，要小心燒呀。燒到脂肪位變硬，食得。甘香香脆，好似煙肉片？另一個和牛牛肉排，無西冷咁肥，但更有牛肉味。又係燒一燒就食得，好味好味。另外仲有少少配菜可以燒埋黎食，冬菇，粟米，南瓜。價錢唔平，但可以慢慢燒唔限時，環境靚，店員又有禮貌唔會趕客，邊燒邊食邊吹水，又係滿足嘅一夜。