蘇山雞飯

營業中

休息中

先講食物味道，點咗個海南雞喇沙同走地雞配肉骨茶晚餐，再加個招牌Susan雞翼，睇佢喺各大飲食雜誌個報導都話走地雞肉味重，點知兩款雞都係冇雞味嘅，只有滑，雞飯亦一般，肉骨茶就冇乜藥材同胡椒味，喇沙正常啦，因為去雪山都係食開，而個Susan雞翼炸過火，極乾仲要斬骨功夫差，一咬落去俾啲碎骨插到個咀！而個凍檸檬薏米水係唔凍嘅。其實同上一條街雪山或者隔離港口味同一出品？真係唔明點解咁多人走去排哩間另外啲阿姐安排入座時，等位時同我講留個卡位俾我，點知有一檯卡位埋單，就即刻俾另一檯食緊嘅男女搶咗全，個阿姐仲解釋話人地點咗好多嘢坐窄果邊放唔晒，我即時問一句（妳點知我又會叫得少過佢呢？）阿姐即時靜咗不過都好彩有另一檯卡位走，佢都即刻安排俾我，但係叫咗以上二人份量食物之後，檯面都係full晒嘅，可想而知個位有幾窄！而中途都聽到有客人嘈，話等咗好耐都冇嘢食，原來係廚房入面出單部機冇晒紙迫住客人又要再點多次。總結：我會去返少人嘅雪山或者港口味食算數，不過其實哩兩間性價比都唔及區內其他餐廳