香港地 (已結業)

難得大家都放假可以去拍下拖，所以就周圍去食嘢，去到上水廣場搵吓有咩食，下午茶時間見到呢間餐廳啲嘢好似都幾吸引，所以就入咗去！叫咗一份阿華田西多士，成份西多士都係好大件，而且上面鋪滿晒阿華田嘅粉末，同出面嘅西多士好唔同！嗰啲阿華田脆脆好甜好好食，而且加埋西多士嘅糖漿，花生醬，簡直超級邪惡！！但係有好食到停唔到口另外叫咗一份瑞士雞翼撈麵，呢個就相對上一般般，三隻雞翼唔係好入味，而且個撈麵好似淨係用豉油撈麵咁，冇乜味，得個咸字！如果下次再食嘅話未必會再叫呢個