影片
更多
2017-05-21
284 瀏覽
近排見喉嚨唔舒服，清淡少少黎到東大街呢間經常很熱鬧的安利魚蛋粉麵。究竟魚蛋粉麵如何做得如此出色，吸引一大班食客？我大概晚上6點左右到，已經見店內人山人海，冇一張枱係空，需要搭枱坐。如果一間店的餐牌裡有鮮油奶多，我一定毫不猶豫地下單。🙈對鮮油奶多、奶醬多有一種情意結。安利的鮮油奶多，麵皮烘得較脆，但又不至於烘得過火，很香口。以厚身麵包做，不連麵包皮，Size較為細分，兩口就可以食得完。美中不中的地方係片牛油唔夠融，煉奶太少，引致味道偏鹹。我習慣食一啲多士仲係有餘溫，令到牛油融化，牛油汁吸左係麵包，再加上煉奶就很滋味。之後要講下柱候炆牛腩，我配河粉食。河粉比較吸到多啲湯底，所以個人認為好味少少就應該配河。柱候牛腩湯底好足味，偏濃味，如果平時食開清淡嘅朋友仔就應該唔太啱食，因為都幾鹹。正正因為重口味，牛腩味好香，我就算唔太餓都會選擇食晒啲腩，食剩河粉。平時我好少食剩，除左因為自身唔太舒服之外，我唔太鍾意河粉太碎，夾幾夾就跌返落碗到。我鍾意好長一條過嘅河粉，食時比較方便。但呢間河粉唔知點解好碎，一條河粉得平時用嘅原子筆一半，變相我夾好多次落匙羹先食到。有啲美中不足咁啦！撈粗麵有口，夠彈性，因
如果一間店的餐牌裡有鮮油奶多，我一定毫不猶豫地下單。🙈對鮮油奶多、奶醬多有一種情意結。
安利的鮮油奶多，麵皮烘得較脆，但又不至於烘得過火，很香口。以厚身麵包做，不連麵包皮，Size較為細分，兩口就可以食得完。
美中不中的地方係片牛油唔夠融，煉奶太少，引致味道偏鹹。我習慣食一啲多士仲係有餘溫，令到牛油融化，牛油汁吸左係麵包，再加上煉奶就很滋味。
之後要講下柱候炆牛腩，我配河粉食。河粉比較吸到多啲湯底，所以個人認為好味少少就應該配河。柱候牛腩湯底好足味，偏濃味，如果平時食開清淡嘅朋友仔就應該唔太啱食，因為都幾鹹。正正因為重口味，牛腩味好香，我就算唔太餓都會選擇食晒啲腩，食剩河粉。
平時我好少食剩，除左因為自身唔太舒服之外，我唔太鍾意河粉太碎，夾幾夾就跌返落碗到。我鍾意好長一條過嘅河粉，食時比較方便。但呢間河粉唔知點解好碎，一條河粉得平時用嘅原子筆一半，變相我夾好多次落匙羹先食到。有啲美中不足咁啦！
撈粗麵有口，夠彈性，因為有牛腩同魚片調味，就算係撈湯都一樣咁濃味。牛腩同魚片份量相當大份，仲有少量菜。簡簡單單一餐飯好足夠😊
概括而言，呢間食肆我未必會再光顧。並唔係因為佢做得差，而係周街都食魚蛋粉麵，既然佢未去到極高質（對我黎講），可以試其他店舖。
味道尚可，就算人多一樣落單快手，食物都好快黎到面前，以麵檔水準講，合格。食物水準一般，環境算乾淨，座位稍嫌唔夠闊落。假若星期六、日，公眾假期等日子光顧，店內人才濟濟，搵位唔算易。
切腩魚片撈粗
$46
9 瀏覽
0 讚好
0 留言
鮮油奶多
$13
15 瀏覽
0 讚好
0 留言
柱候炆牛腩
$32
34 瀏覽
0 讚好
0 留言
張貼
