囍源古早蛋糕 (已結業)

囍源古早味蛋糕之前已經聽朋友講及介紹過，今日去開深水埗終於有機會買黎同屋企人開心share ，因為我知道呢度嘅古早味蛋糕有五十幾種口味，而且可以預早聯絡店員，一個蛋糕上下層可以分兩種唔同口味，應該係全港首創嘅配搭 ，因為我今次係walk in買嘅關係，就揀咗佢哋嗰日出嘅特色古早味蛋糕，班蘭味中間夾住咖鴦 ，另一個就揀咗合桃味。買到返屋企同屋企人一齊食嗰時發覺嗰蛋糕都比較濕潤同埋有扎實口感，會比其他嘅更豐富，而且係黃金邊黃金底，旁邊同埋個底完全冇焗過龍或者乾嘅情況。最緊要我哋成家人都發覺個蛋糕完全唔油膩，所以都一口接一口咁食，食到停唔到，而且食得出好重嘅雞蛋味亦冇其他過量嘅糖甜或者人工添加嘅味道，下次再嚟囍源我一定會預早order，試下一件蛋糕兩種味道嘢感覺。