影片
更多
2023-05-13
1054 瀏覽
呢間主打創意fusion burger嘅Little Bao想試好耐喇，今次終於慕名嚟到銅鑼灣Fashion Walk嘅分店，試下佢哋signature嘅fusion包🥰🥰二人套餐好豐富，可以試到4款小食、2款signature中式刈包burger，2款雪糕包同2杯飲品🤰🏻全部菜式都好好食😋😋完美詮釋fusion菜精粹。外籍waiters非常friendly，服務一流❤️❤️Really appreciate for the super nice and sincere service and decorating the birthday cake for my friend❤️黑松露薯條🍟薯條度度都有，呢度特別得多，除咗經典黑松露醬之餘，仲有魯香菇同醃大根，唔同味道同口感撞埋一齊幾特別😙紫菜炸墨魚脆脆黑色神秘嘅外貌😎一咬開就係白色非常有咬口嘅墨魚丸，黑蒜醬好惹味😝墨西哥炸雲吞中式錦鹵雲吞嘅墨西哥版🤣🤣卜卜脆嘅taco皮包住滿滿彈牙蝦膠，四川菠蘿莎莎醬酸酸甜甜幾開胃😚😚慢煮牛腩骨煎餃第一次見用牛腩🐮做嘅餃子🥟薄薄嘅餃子皮包住腍滑嘅有機澳洲牛腩，牛腩獨有嘅香味好出😋😋炸三黃雞包必食！一試難忘
黑松露薯條
🍟薯條度度都有，呢度特別得多，除咗經典黑松露醬之餘，仲有魯香菇同醃大根，唔同味道同口感撞埋一齊幾特別😙
紫菜炸墨魚脆脆
黑色神秘嘅外貌😎一咬開就係白色非常有咬口嘅墨魚丸，黑蒜醬好惹味😝
墨西哥炸雲吞
中式錦鹵雲吞嘅墨西哥版🤣🤣卜卜脆嘅taco皮包住滿滿彈牙蝦膠，四川菠蘿莎莎醬酸酸甜甜幾開胃😚😚
慢煮牛腩骨煎餃
第一次見用牛腩🐮做嘅餃子🥟薄薄嘅餃子皮包住腍滑嘅有機澳洲牛腩，牛腩獨有嘅香味好出😋😋
炸三黃雞包
必食！一試難忘🥰🥰欣賞呢度嘅刈包夠鬆軟唔會痴牙，中間嘅炸雞外皮極之crunchy，一咬開，三黃雞嘅雞油隨即爆發出嚟💦中間仲有一層黃澄澄嘅雞皮😈神奇嘅係食落無乜油膩感，因為醬汁用上花椒沙律醬調味，花椒嘅麻香好突出，好有記憶點👍🏻👍🏻
招牌豬腩包
呢款都唔錯👍🏻豬腩肉好入味，切開一絲絲嘅肉好似pulled pork🤣完全不柴，大蔥紫蘇葉加上芝麻醬嘅味道令到個包膩感全消，好特別😛😛
鹽味雪糕包
雪糕包都係佢哋嘅得意之作😆😆炸包超級鬆脆，但係完全不油膩👏🏻👏🏻比起中式炸饅頭更好食😋中間嘅雪糕帶有薑同焦糖嘅味道，撞埋一齊好特別😋😋
綠茶雪糕包
綠茶版本都好好食😻抹茶味非常甘香醇厚🍵
Sakura Breeze、Guavalada
Sakura breeze cocktail粉嫩嘅顏色好靚，略嫌櫻花味🌸有些微藥水味，另外嗰杯係mocktail，番石榴加上熱情果味道好清爽好天然😗😗杯邊沾點鹽令到味道更特別。
人均消費：$310
推介指數（10分為滿分）：9分
張貼
