麻辣香鍋

營業中

休息中

今晚去旺角食川菜，門口個招牌勁吸引，大大隻字好搶眼🫡其實間餐廳係朋友之前食過介紹，佢話好食，所以我信佢🤭餐廳有好多嘢食，例如有麻辣鍋、香鍋、經典川菜等，而且可以自己選擇唔同嘅辣度，如果唔食得辣嘅朋友，仲可以揀唔辣添，總之一定啱口味🥰餐廳上菜速度仲好快添！藤香雞，佢有啲似平時食開燒味飯嘅白切雞，但味道係大有麻油香味，而且辣辣地，好食！😊小龍蝦，我哋揀咗十三香味，香料好足！隻隻小龍蝦都好鮮味，冇一隻係梅👍🏻麻婆豆腐,豆腐同肉碎真係絕配，辣得來有少少甜，其實麻婆豆腐真係好送飯😳