正點心 (已結業)

今日去咗美孚探朋友，到晚餐時間又唔想煮飯，梗係喺附近搵嘢食啦，我哋嚟咗呢一間點心舖頭食嘢！叫做正點心，哈哈，等我試吓間餐廳同個名成唔成正比先🙈🙈餐廳地方都幾大，燈光光猛又坐得舒服！朋友話一定要叫盤滿缽滿，咩都有啲，樣樣都好味，呢個點心拼盤有齊胭脂蝦餃、鮑魚燒賣、紅菜頭餃同埋玫瑰包，玫瑰包其實係豆沙包，佢嘅外型緊到朵花咁好靚❤️而鮑魚燒賣內有乾坤，原來真係有隻原隻鮑魚仔係入面，好好味😋而紅菜頭餃充滿哂菇菌，香氣撲鼻，食落都好不錯👍🏻黃金小豬嘜：外型討好係小豬仔，入面其實係紫薯蓉，非常煙韌，而且唔係好甜，好啱我口味😏煙香蝦春卷：春卷啖啖蝦肉，好足料✌🏻七味虎皮尖椒：又係惹味十足，辣度剛剛好😉鳳爪排骨籠仔蒸飯：荷葉飯香，而家啲排骨好嫰滑，仲有好多舊呢，好抵食！