影片
更多
2023-01-08
1857 瀏覽
慕名而來，但係真係食到一把火。食物方面，我覺得實在係名過於實，味道真係好一般，得個鹹字，冇咩沙爹香味，但係又食到個人又鹹又滯。叫左碟手切牛展$298，質素真係好一般，完全唔值3舊水。佢一開頭咩都冇問就比兩碗豉油我哋，埋單先發現收醬料費$16/位，而且我哋完全冇用過碗豉油，因為個湯底已經鹹到我係咁飲水。我哋兩個人食左差唔多$800，而且基本零服務，上餐具都係就咁劈落張檯度，作為客人真係完全冇覺得比人尊重過。咁既價錢我真係寧願去食連鎖店，坐得舒服又有服務，味道又唔係真係特別好，咁既價錢好食既打邊爐其實好多選擇。一坐低個阿姐問我我哋要咩湯底後就即刻比兜生菜我地，咩都冇講。佢比碟生菜我地果陣，我哋係完全未開始叫食物。第一次來幫襯，咪以為碟菜係送既囉，埋單先發覺碟菜要收錢$35。而且碟生菜上到來發現好多沙，冇洗乾淨，我一路都以為係送既所以都冇出聲，而且都係淨係食左幾條。都唔係錢既問題，但係我哋冇叫過，阿姐擺低又完全冇問我哋要唔要。咁我哋咪同個阿姐理論，話我哋冇叫過，但係個阿姐堅稱我地一早應該講話唔要，食左就要比錢。大佬，第一次來鬼知你地咩意思，就咁擺低又冇問人要唔要，咁咪以為係叫湯底送既囉，真係
食物方面，我覺得實在係名過於實，味道真係好一般，得個鹹字，冇咩沙爹香味，但係又食到個人又鹹又滯。叫左碟手切牛展$298，質素真係好一般，完全唔值3舊水。佢一開頭咩都冇問就比兩碗豉油我哋，埋單先發現收醬料費$16/位，而且我哋完全冇用過碗豉油，因為個湯底已經鹹到我係咁飲水。我哋兩個人食左差唔多$800，而且基本零服務，上餐具都係就咁劈落張檯度，作為客人真係完全冇覺得比人尊重過。咁既價錢我真係寧願去食連鎖店，坐得舒服又有服務，味道又唔係真係特別好，咁既價錢好食既打邊爐其實好多選擇。
一坐低個阿姐問我我哋要咩湯底後就即刻比兜生菜我地，咩都冇講。佢比碟生菜我地果陣，我哋係完全未開始叫食物。第一次來幫襯，咪以為碟菜係送既囉，埋單先發覺碟菜要收錢$35。而且碟生菜上到來發現好多沙，冇洗乾淨，我一路都以為係送既所以都冇出聲，而且都係淨係食左幾條。都唔係錢既問題，但係我哋冇叫過，阿姐擺低又完全冇問我哋要唔要。
咁我哋咪同個阿姐理論，話我哋冇叫過，但係個阿姐堅稱我地一早應該講話唔要，食左就要比錢。大佬，第一次來鬼知你地咩意思，就咁擺低又冇問人要唔要，咁咪以為係叫湯底送既囉，真係好誤導人，擺明屈人唔知。
之後老闆個仔過來，超級串，話咩‘擺低有冇可能係送比你，唔要早出聲‘ 叫我地報警，而且講肯定佢哋有問過我哋要唔要。我哋咪講完全冇問過，報警咪報警，大把時間，我哋真係唔驚wor，因為我哋完全冇叫到碟菜。之後個老闆過來好串咁講咩算了，當dump左碟菜去垃圾桶咁，最後冇收碟菜錢。
真係唔係錢既問題，但係我點解要為我冇叫過既嘢比錢。一開頭擺低就應該問下我地要唔要，
咁要或著唔要個選擇權都係客人手上，除左明屈人之外諗唔到第二個理由。
第一次食飯食到咁唔開心，真係唔會去第二次。我覺得咁樣既服務態度同咁既心態做生意，真係遲早搞臭自己個名。
張貼