影片
更多
2013-03-29
96 瀏覽
因為要清假, 請左半日假由觀塘特登去左荃灣飯博士試佢既四色焗飯。我份人成日好易肚餓.. 身邊放滿好多嘢食, 但係為左去試新嘢食, 死忍死忍都要忍到去見飯博士為止丫！去到外觀好似大家樂連鎖店般既店舖排隊到收銀處點飯。因為去到已經2點半有多, 餐牌上掛牌都開始換上$2X左右既下午茶餐, 有香口炸物, 亦有好多蕃咖湯底既意粉款式。隨手拎左收銀處旁既外賣餐單, 見到琳琅滿目既食物款式心知不妙....眼見餐廳叫「飯」博士, 而餐牌上掛牌上大半都唔係飯既食物... 開始有D不安啦。到茶水部放低單等食物, 餐廳人唔多, 隨便就找個位置。等左我三個字有多既時間, 我終於有我既食物啦。先講嘢食先。芝士焗青口太乾芝士未熔透；茄汁飯係又水又稀既茄膏來的, 肉腸乾身到爆開了, 而罐頭菠蘿似沖過水後再浸過糖水, 味道內裡好淡而出面有一層假味既甜；芝士帶子部分稍為正常少少, 但汁都係偏水,而味道奇怪地唔淡,感覺似係溝水加雞粉哩；燴汁青口更係差差差！蝦同青口乾都算啦, 燴汁完全沒有燴汁味, 只有微微黏黏既口感.. 好似食緊一層膠咁；唯一感到安慰既係個咖喱, 為一似番D樣, 食到咖喱既濃味, 同出面買既咖喱醬味差唔多
我份人成日好易肚餓.. 身邊放滿好多嘢食, 但係為左去試新嘢食, 死忍死忍都要忍到去見飯博士為止丫！
去到外觀好似大家樂連鎖店般既店舖排隊到收銀處點飯。
因為去到已經2點半有多, 餐牌上掛牌都開始換上$2X左右既下午茶餐,
有香口炸物, 亦有好多蕃咖湯底既意粉款式。
隨手拎左收銀處旁既外賣餐單, 見到琳琅滿目既食物款式心知不妙....
眼見餐廳叫「飯」博士, 而餐牌上掛牌上大半都唔係飯既食物... 開始有D不安啦。
到茶水部放低單等食物, 餐廳人唔多, 隨便就找個位置。等左我三個字有多既時間, 我終於有我既食物啦。
先講嘢食先。芝士焗青口太乾芝士未熔透；
茄汁飯係又水又稀既茄膏來的, 肉腸乾身到爆開了, 而罐頭菠蘿似沖過水後再浸過糖水, 味道內裡好淡而出面有一層假味既甜；
芝士帶子部分稍為正常少少, 但汁都係偏水,而味道奇怪地唔淡,感覺似係溝水加雞粉哩；
燴汁青口更係差差差！蝦同青口乾都算啦, 燴汁完全沒有燴汁味, 只有微微黏黏既口感.. 好似食緊一層膠咁；
唯一感到安慰既係個咖喱, 為一似番D樣, 食到咖喱既濃味, 同出面買既咖喱醬味差唔多。
整體黎講佢個飯底都係好水好稀, 可能因為本身汁都係開得好稀既關係。
不過值得欣賞既係佢個飯盤係扁扁的, 雖然佢整碟飯既直徑有成25-30CM, 但因為扁身, 份量唔會話好多, 又可以同時間放滿不同既食材, 令佢有空間做到四色焗飯, 而每粒飯既受熱都可以做得比較平均。
飲料方面：
珍珠奶茶成口糖漿, 我鐘意食珍珠, 但係哩杯珍珠實在糖漿太多, 珍珠本身已經浸過糖水很甜的了, 再外加黏滿整粒整既糖漿, 放落口無左咬珍珠既口感, 只覺得成個口都變得好膩... 感覺頗差的。
最意外既竟然係蕃茄湯！佢既蕃咖湯真的好香, 唔係好食得出粒粒既蕃咖, 反而佢既配菜, 蘿蔔呀, 椰菜呀, 西芹呀, 洋蔥呀就相關足料, 唔知到蕃茄味是人工還是自家淆的, 哩個湯係最可取的了！
難怪見到人地既食評讚既都係佢既蕃咖意啦！
再來係衞生, 佢既衞生真係好差, 烏蠅成為飛, 食既時候要不斷不斷揮開佢地, 要好小心D嘢食。再黎佢廚房都好污糟, 取食物既地方都係汁同埋嘢食...
可能撞正下午茶時段小人, D伙計分批食飯無人做清潔, 食完既餐成圍係都無人整理。
服務更係不值一提, 點餐點左好耐, 個收銀員掛住同隔離個伙計傾計, 而隔離個伙計就真的剩係同佢傾計而唔係收銀的, 可能人流少覺得要客人等無乜大相干吧~
到取嘢食既時候, 我遲左同茶水姐姐講想走冰,佢就話我唔早講, 求其倒走面頭幾粒冰同埋D奶茶就算, 仲有好多冰剩, 又少左1/4杯奶茶, 照放在我既食物盤上。食物盤傳到負責叫號碼既姐姐到, 佢見到杯奶茶覺得唔對路, 同茶水姐姐講「咦, 杯嘢未沖好喎」茶水姐姐「佢話走冰丫嘛」號碼姐姐拎起隻杯望下個水平線話「會唔會細杯左啲呀？」茶水姐姐就唔好老脾咁走去加番D茶...
結果, 冰依然是有的, 倒左D奶茶加番D茶, 整杯珍珠奶茶都仍然係超甜... 可想而知本身杯嘢飲有幾恐怖丫....
題外話/補充資料：
餐廳裡面有幾部電視...
如果只係為搵個地方hea下, 唔講求食物質素, 咁飯博士都可能係個唔錯既選擇既。
(以上食評乃用戶個人意見 , 並不代表OpenRice之觀點。)
張貼
