影片
更多
2023-01-27
333 瀏覽
寒冷天氣值班於新春日子，食辣可驅寒，又係附近睇完賀歲片，行經呢間川菜館，今餐就係呢度開啦。菜館提供大路川菜，如酸菜魚，水煮系列，孜然牛/羊，川式小炒及香鍋等，辣度隨你喜歡。前菜先黎客夫妻肺片 ($66)，份量以前菜黎講算幾多，加入甘荀及青瓜絲中和麻辣度之餘仲加一份清爽。無肺但有牛舌及牛肚，牛舌切成一大片入口軟滑，配以麻辣醬汁，麻香辣度可接受，用黎送凍飲，食住等熱炒上枱。一向都鍾意食干煸四季豆 ($72)，材料簡單但肉碎炒得夠乾身，加入醬油蒜蓉米酒一齊炒，四季豆掛到少少油之餘又唔會太過油膩，單食或送飯都唔錯。 要食魚片，唔一定要叫酸菜魚，可以考慮叫呢碟蓮藕仔炒鯛魚片 ($98)辣椒指數係一隻，味道偏酸辣; 無骨鯛魚片，入口偏爽口第一次食蓮藕仔，迷你身型好得意，口感食落似食荀般爽脆，幾過癮; 仲有其他配料如洋蔥，木耳，甜椒及蔥段，豐富咗顏色賣相及口感。呢客川香鮑魚鷄煲 ($168/半隻)，好岩新春日子食，有鮑魚又有鷄，豐衣足食。連殼鮑魚有4隻，起肉都唔算太麻煩; 入口彈牙，唔係食緊香口膠; 選擇唔辣，半隻鷄件份量相當對眼，加入其他配料一齊炒，幾惹味，又係好岩送飯。食川菜指定甜品，當然係紅糖
菜館提供大路川菜，如酸菜魚，水煮系列，孜然牛/羊，川式小炒及香鍋等，辣度隨你喜歡。
前菜先黎客夫妻肺片 ($66)，份量以前菜黎講算幾多，加入甘荀及青瓜絲中和麻辣度之餘仲加一份清爽。
無肺但有牛舌及牛肚，牛舌切成一大片入口軟滑，配以麻辣醬汁，麻香辣度可接受，用黎送凍飲，食住等熱炒上枱。
一向都鍾意食干煸四季豆 ($72)，材料簡單但肉碎炒得夠乾身，加入醬油蒜蓉米酒一齊炒，四季豆掛到少少油之餘又唔會太過油膩，單食或送飯都唔錯。
要食魚片，唔一定要叫酸菜魚，可以考慮叫呢碟蓮藕仔炒鯛魚片 ($98)
辣椒指數係一隻，味道偏酸辣; 無骨鯛魚片，入口偏爽口
第一次食蓮藕仔，迷你身型好得意，口感食落似食荀般爽脆，幾過癮; 仲有其他配料如洋蔥，木耳，甜椒及蔥段，豐富咗顏色賣相及口感。
呢客川香鮑魚鷄煲 ($168/半隻)，好岩新春日子食，有鮑魚又有鷄，豐衣足食。
連殼鮑魚有4隻，起肉都唔算太麻煩; 入口彈牙，唔係食緊香口膠;
選擇唔辣，半隻鷄件份量相當對眼，加入其他配料一齊炒，幾惹味，又係好岩送飯。
食川菜指定甜品，當然係紅糖糍粑 ($58)無走鷄。一客有成10條，相當抵食。
每條炸至金黃色，沾上紅糖漿一齊食，入口先係外脆，之後有糯米嘅軟糯感，兩啖就KO一條，香口味甜，邪惡度爆燈。
上菜速度快，熱度夠，味道岩口味，下次可以試下其他菜式。
張貼
