第三站

難得的一個假日，好耐無岀去，今日同老公去食吓飯拍吓拖。想坐得舒服啲，食物又好啲，就去咗旺角第三站。呢度啲特飲非常打卡able❤️凍嘅薄荷朱古力同埋焦糖朱古力，又靚又好飲，套餐加$6就飲到啦，勁抵呀！見到有特級海鮮拼盤就試吓，都幾豐富，有齊魚手指、炸蝦、炸蟹鉗、炸帶子、吉列蠔，海鮮都有齊咁滯，而且即叫即炸，仲要鬼死咁好食！炸蝦唔算大隻，但係勝在鮮甜，而且炸皮夠薄脆，仲要無油膩感，真係好食到停唔到口呀！吉列蠔蠔味濃郁，估唔到小小的一隻咁好味！有一種食咗成個海洋落肚嘅感覺真係好正😋意式芝士肉醬闊條麵肉醬迷絕對不能錯過！闊條麵掛汁力超強，配上香濃嘅肉醬配香酥嘅芝士，冇人能夠抗拒吧？卡邦尼煙肉雜菌意粉🍝鹹香嘅煙肉同忌廉嘅配搭，真係唯一呢款意粉我係百吃不厭😂醬汁比較潔杰身，所以每一條意粉都可以好均勻咁掛好掛滿，加埋煙肉真係勁邪惡不過又好好味喎🙈