極尚大瀛喜日本料理

營業中

休息中

最近同朋友食過呢間放題，我覺得二佰幾蚊貨仔任飲任食，都唔錯。其實我最滿意都係D壽司卷物之類，D壽司飯好食唔散，D食材又新鮮，我推介卷物有灸燒芝士大蝦卷，燒三文魚加州卷和香芒龍蝦沙律卷，，卷物食材配撘好夾，食落好有層次感。火炙水準好，不會炙得過熟，只是表面稍微焦香，那晚的蒜香牛肉極美味，我地係咁叫，其他的火灸壽司如原條穴子也不錯。刺身壽司類也挺讚，D刺身新鮮是因素，那晚的帆立貝，池魚，煙三文點魚和三文魚腩都好食，另外那些創作料理都有驚喜，喜壽司和胡麻煙三文魚卷好好味!其實計計下單是我們二人吃壽司卷物類和刺身類，重覆叫多轉，是回晒本了! 當晩的刺身合格，我地覺得劍魚，吞拿魚，帶子最OK，蝦就一般。燒物的比目魚西京燒，我覺得次燒鯖魚更好味，D魚有用甜麵醬醃過，食落有D甜甜地，同D魚味好㚒。另外D天婦羅整體都好食，出面有D自助野食下，野飲多揀，但甜品我無點食，只係食軟雪糕，我食咗2杯，裝到大大杯，加咗D脆糖，有得玩下，OK啦。