第三站

行開旺角，都知有唔少樓上café。第三站喺金雞廣場，地點好方便。 環境方面，白色梳化，卡位同卡位之間都算闊落，牆上掛左好多街頭照片，幾有藝術氣息，整體環境幾舒服。 薄荷朱古力 薄荷同埋朱古力撞得好啱味，朱古力味濃，重點係唔會太甜 世界(隨你) 選擇困難症嘅我，見到個名幾特別就決定試一試。都幾有驚喜, 淺藍色係我最愛。原來係微鹹奶昔飲品黎，吾錯! 麻醬沙律 菜好新鮮，配埋麻醬好開胃, 重點系麻醬夠多，食到最尾仲有。 煙三文魚野菌忌廉燴意粉 外表好吸引，三片三文魚拼成花樣，幾靚！ 三文魚厚身有口感，煙熏味岩岩好！意粉又夠creamy, 真心好味 黑松露帶子鮮菌燴意大利飯 意大利飯軟硬適中，黑松露味道香濃，咬嗰陣會食出蘑菇帶子同蝦嘅味道，同埋吾會一pat pat, 大推介！ 蜜糖雞翼 賣相勁吸引，雞翼外皮金黃，有幾粒白芝麻陪襯。雞翼炸得脆卜卜，但唔影響肉質，配埋蜜糖，吾錯！ 蒜香雞翼 相比蜜糖雞翼，我個更喜愛呢㗎，蒜香味重，帶點鹹香，都係鍾意傳統的。 松露薯條 見人地食評，都一定有order哩個，心思思想試下。 份量好多，薯條夠脆，配埋松露，更加香！點吾點醬都各有特色。