影片
更多
2006-07-10
5 瀏覽
同同事唻食晏，已經專登13:30 先去，但次次都依然大排長龍，今日終於有位，可以見識吓九記有幾好食。我哋一人一碗清湯牛腩粗，啲牛腩好冧，又好入味，但我唔係咁鍾意個湯，啲味太濃，搞到好似好重味精咁，食完都幾口渴。臨走去俾錢，因為我哋手上個餐牌冇寫明，我吔多口問個收銀兩句清湯牛腩粗啲價錢，點知佢好似聽唔到咁，問咗佢幾次，都只係一味講個總數，好彩到最後，我哋喺近門口的一個中英對照餐牌上搵到。果真名氣大，唔憂做。相比下，我覺得上環蘇杭街附近-- 生記清湯腩比呢間還好，雖則LUNCH HOUR 滾水淥腳，好難expect有乜service，但生記啲清湯腩一樣咁冧，啲湯仲清好多同冇咁多味精，啲面仲好味啲，價錢更平4蚊添(HK$18)，以後都係去番嗰度。
我哋一人一碗清湯牛腩粗，啲牛腩好冧，又好入味，但我唔係咁鍾意個湯，啲味太濃，搞到好似好重味精咁，食完都幾口渴。
臨走去俾錢，因為我哋手上個餐牌冇寫明，我吔多口問個收銀兩句清湯牛腩粗啲價錢，點知佢好似聽唔到咁，問咗佢幾次，都只係一味講個總數，好彩到最後，我哋喺近門口的一個中英對照餐牌上搵到。果真名氣大，唔憂做。
相比下，我覺得上環蘇杭街附近-- 生記清湯腩比呢間還好，雖則LUNCH HOUR 滾水淥腳，好難expect有乜service，但生記啲清湯腩一樣咁冧，啲湯仲清好多同冇咁多味精，啲面仲好味啲，價錢更平4蚊添(HK$18)，以後都係去番嗰度。
張貼