日山 (海運大廈)

營業中

休息中

午餐來一嘗，早一個月前訂座，去到職員服務態度一流，而且安排了海邊座位，非常貼心。是次試了和牛漢堡和海膽和牛飯，配搭了幾款前菜和甜品。前菜幾特別，蟹味茶碗蒸真係啖啖都好重蟹味，好正，而有個梅子啫喱酸酸甜甜好開胃。刺身方面當日就有帶子赤海蝦和吞拿魚，樣樣都十分鮮甜。海膽和牛飯擺設好靚，飯的份量亦比想像中多，和牛偏向入口即溶，配搭新鮮唔會苦的海膽，真係啖啖都好滋味。而和牛漢堡亦是有別於西式的，肉質偏淋，做到入口即溶嘅感覺。炸番薯條都好脆好好食，最後甜品是柚子雪糕，食落柚子味好重好清新，正。是次因為有海港城優惠券所以光顧，如果而平日的午餐來說就比較貴。